Baby Elephant Thai Kitchen

Open Now

Now Closed

放假去赤柱周圍行下，輕輕鬆鬆渡過咗一個下午然後行到去赤柱大街，見到呢間新開張幾個月既泰國餐廳，決定喺呢度食晚飯。因為時間尚早，只不過係18:00，所以仲好清楚見到餐廳外既無敵海景，就算坐室內都個view 都真係幾靚，仲好relax…… 秋冬天唔熱時一定會試下坐室外既座位，感覺應該會更chill。食泰菜指定動作，每次都必定會點冬蔭功湯，細碗份量2個人飲啱啱好，冬蔭功入面有常有既蝦，特別在仲有蜆同藍青口，所以個湯特別鮮甜。香辣澳洲肉眼沙律 - 原本諗住叫個沙律做前菜，上菜後先發現呢個係一個主菜既份量，已切件既肉眼扒足足有一整塊牛扒既份量，沙律菜非常新鮮，配搭酸酸辣辣既泰式汁非常開胃。另外叫左小食串燒牛及豬，燒到好香配沙嗲醬汁好好味，再叫多一個泰式炒河，都係水準之作。成餐晚飯感覺好relax 好嘆，推介給平日返工忙碌、想遠離都市壓力既人士，放假時候黎呢度chill 吓。