Video
Read full review
2021-05-16
1562 views
今日同女朋友去開Sogo thankful week買野，記得女朋友推介過一間喺西營盤既串燒店，於是諗住去開港島就順便試埋😋為免要等位，我早一晚打左去book 位，希望唔使等太耐～由西營盤B1/B3出口行過去，要上斜路經過幾個街口先到，輕鬆咁行預行10分鐘左右～本身book左7:30，但最尾7:45先到，好在無咩人等位，等左1-2分鐘就入得，而且可以坐店舖中間既座位，起碼唔使坐近門口，會比較熱～——————————————-1）露旬炒雜菌，蟹籽沙律✅露旬烤得好香，咬落爽口，雜菌炒得淋唔會乾，而且從菌既汁食得出炒得有鑊氣✅蟹籽沙律方面，可能我本身比較中意凍食，呢度既沙律唔太夠凍，但節瓜絲爽口，蟹籽份量好夠，食完好清涼舒服2）雞髀菇✅必食推介✅口感軟硬適中，淋上面既甜豉油同表面燒烤味融為一體，唔怪得知女朋友會極力推介3）牛舌✅必食推介✅口感食落軟身，有d似食緊午餐肉，但仍然保持到牛味，同佢地店自家製既串燒汁係完美既配搭，又係女朋友既極力推介4）花膠✅必食推介✅花膠夠淋，索哂下面既豉油汁，加上綿綿既口感，同表面微燶既烤味，完全唔明點解女朋友會極力推介佢5）芝士牛肉丸✅對有餡既丸情有獨鍾既我，
為免要等位，我早一晚打左去book 位，希望唔使等太耐～
由西營盤B1/B3出口行過去，要上斜路經過幾個街口先到，輕鬆咁行預行10分鐘左右～本身book左7:30，但最尾7:45先到，好在無咩人等位，等左1-2分鐘就入得，而且可以坐店舖中間既座位，起碼唔使坐近門口，會比較熱～
——————————————-
露旬炒雜菌，蟹籽沙律
57 views
1 likes
0 comments
1）露旬炒雜菌，蟹籽沙律
✅露旬烤得好香，咬落爽口，雜菌炒得淋唔會乾，而且從菌既汁食得出炒得有鑊氣
✅蟹籽沙律方面，可能我本身比較中意凍食，呢度既沙律唔太夠凍，但節瓜絲爽口，蟹籽份量好夠，食完好清涼舒服
雞髀菇
32 views
0 likes
0 comments
2）雞髀菇
✅必食推介
✅口感軟硬適中，淋上面既甜豉油同表面燒烤味融為一體，唔怪得知女朋友會極力推介
牛舌
40 views
0 likes
0 comments
3）牛舌
✅必食推介
✅口感食落軟身，有d似食緊午餐肉，但仍然保持到牛味，同佢地店自家製既串燒汁係完美既配搭，又係女朋友既極力推介
花膠
36 views
0 likes
0 comments
4）花膠
✅必食推介
✅花膠夠淋，索哂下面既豉油汁，加上綿綿既口感，同表面微燶既烤味，完全唔明點解女朋友會極力推介佢
芝士牛肉丸
21 views
0 likes
0 comments
5）芝士牛肉丸
✅對有餡既丸情有獨鍾既我，秒點左佢黎試。流心既芝士食落芝士味唔太濃，牛丸好彩烤到唔會乾身，但牛肉味欠奉，整體不過不失
雞髀肉
16 views
0 likes
0 comments
6）雞髀肉
✅必食推介
✅雞髀肉好滑好彈牙，烤得剛剛好，表面有層燒汁，加上切既size 大小剛剛好，好快俾我地一啖一件KO左
金菇肥牛卷
10 views
0 likes
0 comments
7）金菇肥牛卷
✅肥牛切得有d薄，以致食唔到太多牛味。比平時食開既金菇肥牛卷，呢個金菇既份量比較多，本身索哂佢地既豉油，再點店自製既串燒醬，味道好過癮😋
司華力腸
20 views
0 likes
0 comments
8）司華力腸
✅烤得唔會太乾，整體普普通通，本身好中意食司華力腸先好叫，我下次唔會再叫
鵪鶉蛋
14 views
0 likes
0 comments
9）鵪鶉蛋
✅食串燒點可以唔叫鵪鶉蛋？一粒一口岩岩好，呢度既鵪鶉蛋蛋黃既味道唔太濃，適合食到飽但又有小小口痕既你
——————————————————
呢間串燒店另外有好多款海鮮串燒選擇，包括扇貝、鮑魚、龍蝦等，同埋有鐵板既菜式，可惜我地食左以上咁多碟之後已經7-8成飽，要留返下次再試🥲
順帶一提，店入面有自家製白菊花菜，怕熱氣既我地叫左一枝黎試下，菊花茶足料味濃，解渴一流，一大枝都唔使$30，飲完完全無哂食串燒既熱氣感，十分推介
————————————
座位方面，建議大家黎之前打去book 位，同埋盡量唔好坐門口同吧台位，因為坐門口喺夏天食會辛苦，坐吧台位又會對住廚房既油煙。
呢間串燒店喺同一條街有另一個舖位，唔知係單純座位定都有另一個廚房整串燒～
整體而言，呢間串燒店我係非常推介，亦都喺度再一次多謝女朋友既推介，令我享受左一頓好滿足既晚餐☺️
Post
