鮮芋仙 (荃新天地)

Open Now

Now Closed

之前一直聽唔同朋友講好好食但要排好耐，今次難得下午時間經過荃灣分店，見冇乜人排隊就決定試下，等左20分鐘左右就入得。因為我同朋友都食左野，所以決定叫一份再加個湯丸試下，落單同執枱員工都幾有禮貌。叫左個芋圓餐（唔記得左係第幾號），佢啲芋圓係比較淋，我個人喜歡有咬口果隻，中間啲冰好凍，不過冇乜味，我估係有啲蜂蜜水之類既野浸住，如果係唔喜歡食太甜既朋友我覺得ok,但因為我食得比較甜所以覺得冇乜味。其他配料（紅豆芋頭珍珠）都係正常發揮。至於另加果兩粒湯圓，食完之後有啲後悔，因為個皮有啲厚😖 總結以上，我未必會再食第二次。