Video
Read full review
2016-06-16
923 views
早前已經聽朋友講觀塘開左一間法國南部米芝蓮一星既西餐，一直都好想一試。等左個幾星期，終於黎到呢一日喇間餐廳位於觀塘工廠區，電訊一代中心，渣車去可以直接泊入停車場，$20一個鐘，非常方便。行過去既話，地鐵站大概5分鐘就到，工廠區美食黎講都算易搵易達。門面幾靚幾吸引，裝修都幾有格調。可能選址始終都唔係旺區，真係要靠口碑，加上當日係星期一，我地一去到就有位。入到去未睇到menu已經比佢其他地方吸引住，餐廳中間位置有塊大玻璃，可以睇到大廚表演，好得意。我地一行四人叫左四個dinner set，starter有六個選擇，main dish大概就有十款左右，豐儉由人，價錢由$1xx到$4xx都有。一場黎到，期待左甘耐，當然唔好慳啦！我同老公揀左最貴既M6和牛，同埋鯛魚。Starter就揀左兩個都要加錢既items。落左單，佢地就送上一盤麵包。經典既法包做得好有水準，外脆內軟，又好夠麥香。再配佢地home-made既醬汁，味道好獨特，口感好rich。最驚喜就係牛油酥條喇 好重牛油香，好鬆脆，比唔少出名餅店既牛油酥更好食。可惜，麵包盤份量唔多，而且食完侍應們都無幫我地refill，呢度扣左少少分。S
早前已經聽朋友講觀塘開左一間法國南部米芝蓮一星既西餐，一直都好想一試。等左個幾星期，終於黎到呢一日喇
間餐廳位於觀塘工廠區，電訊一代中心，渣車去可以直接泊入停車場，$20一個鐘，非常方便。行過去既話，地鐵站大概5分鐘就到，工廠區美食黎講都算易搵易達。門面幾靚幾吸引，裝修都幾有格調。可能選址始終都唔係旺區，真係要靠口碑，加上當日係星期一，我地一去到就有位。入到去未睇到menu已經比佢其他地方吸引住，餐廳中間位置有塊大玻璃，可以睇到大廚表演，好得意。
我地一行四人叫左四個dinner set，starter有六個選擇，main dish大概就有十款左右，豐儉由人，價錢由$1xx到$4xx都有。
一場黎到，期待左甘耐，當然唔好慳啦！我同老公揀左最貴既M6和牛，同埋鯛魚。Starter就揀左兩個都要加錢既items。
落左單，佢地就送上一盤麵包。經典既法包做得好有水準，外脆內軟，又好夠麥香。再配佢地home-made既醬汁，味道好獨特，口感好rich。最驚喜就係牛油酥條喇 好重牛油香，好鬆脆，比唔少出名餅店既牛油酥更好食。可惜，麵包盤份量唔多，而且食完侍應們都無幫我地refill，呢度扣左少少分。
Starter 1: 鵝肝焦糖燉蛋 +$30
呢位係第二個驚喜位，聽個名已經覺得好想試，好似前菜又好似甜品既一個item。賣相好吸引，一啖入口，不得了喇！好香脆既焦糖，伴住好濃郁既鵝肝味湧入喉嚨，好難忘。因為整成燉蛋既關係，成個質感好幼滑，同一大啖鵝肝入口既heavy感覺好唔同，食幾多都唔覺得太重口味。
Starter 2: 法式龍蝦湯 +$50
老公最鍾意飲龍蝦湯，去到邊都要飲，食法國大餐都當然唔例外啦！龍蝦湯係即製既，好熱夠溫度。湯底好香濃，質感好厚實。而且好足料，好好多龍蝦肉，好鮮甜，我都忍唔住偷飲左好多。
Main dish 1: 燒鯛魚 ($268)
魚肉幾新鮮，有兩大件，一d都唔小家。鮮魚先煎香左再煮既，有香味，加分。反而個汁，就比較平凡，無咩亮點。
Main dish 2: M6和牛肉眼 ($458)
和牛好厚身好大件，係切件上的。每一件各都有肥瘦部分，好均勻。我地叫左medium，煮出黎岩岩好，切開仲有少少紅色既汁，火候控制得非常好。處理牛扒方面，一定要讚一讚大廚！可惜醬汁同樣有少少失色。牛肉有牛味，都有牛脂肪獨有既香味，唔錯。
成餐飯既亮點係麵包籃（好高質）同starter（有創意有驚喜有誠意）。主菜其實都幾好食，但實在無咩驚喜，叫做不過不失，不過都算係對得起價格（四個人$1680）。為左佢個牛油酥同starter，我會再幫襯的，希望下次主菜都可以有驚喜啦！
Post
