Video
Read full review
2017-09-18
92 views
之前朋友帶我嚟Seoulmate追雲，<<雲下的泡菜炒飯>>係呢度出名「名物」，一舊雲造型嘅蛋白梳乎厘包住泡菜炒飯，因為外型吸引，大家紛紛前嚟打咭影相。既然一舊雲整得鹹食，仲咁受歡迎，點解唔整多款一舊雲甜品呢? 火焰一舊雲相信會更受歡迎。食過一次呢舊雲，今次暫且將佢拋諸腦後，試吓其他嘢食~另一個再嚟食嘅原因，係呢度坐得幾舒服，空間感大，最緊要係冇限時，可以傾住計慢慢食。可惜得兩個人，如果一大班人可以坐vip房，開心好多!嘢飲今次叫左綠茶拿鐵烤自家製棉花糖$54，一上枱當然要先影張相呃吓like!上面係微微燒焦嘅棉花糖。先嚟一啖棉花糖，好sweet~~下面嘅綠茶拿鐵就好香滑，濃而不甜，同棉花糖攪勻佢嚟飲，甜度就啱啱好，perfect!芒果阿根廷青醬牛扒配風味磨菇和沙律12安士$268，呢個好好食!份量都幾大份。肉質紅嫩，一入口就好香牛味，啲油脂咇晒出嚟。風味磨菇其實係雜菇嚟，落左牛油焗，好食! 而沙律個汁係柚子汁，清新柚子香味，但唔會有甜味，呢個我好欣賞!醬料有兩款，上面係好酸好開胃嘅醬料，入面有粒粒藜麥，口感好得意，呢個醬第一次食，好特色。下面係芒果醬，
另一個再嚟食嘅原因，係呢度坐得幾舒服，空間感大，最緊要係冇限時，可以傾住計慢慢食。
可惜得兩個人，如果一大班人可以坐vip房，開心好多!
嘢飲今次叫左綠茶拿鐵烤自家製棉花糖$54，一上枱當然要先影張相呃吓like!
綠茶拿鐵烤自家製棉花糖
$54
7 views
0 likes
0 comments
先嚟一啖棉花糖，好sweet~~下面嘅綠茶拿鐵就好香滑，濃而不甜，同棉花糖攪勻佢嚟飲，甜度就啱啱好，perfect!
芒果阿根廷青醬牛扒配風味磨菇和沙律12安士$268，呢個好好食!
芒果阿根廷青醬牛扒配風味磨菇和沙律12安士
$268
5 views
0 likes
0 comments
份量都幾大份。
肉質紅嫩，一入口就好香牛味，啲油脂咇晒出嚟。
風味磨菇其實係雜菇嚟，落左牛油焗，好食! 而沙律個汁係柚子汁，清新柚子香味，但唔會有甜味，呢個我好欣賞!
醬料有兩款，上面係好酸好開胃嘅醬料，入面有粒粒藜麥，口感好得意，呢個醬第一次食，好特色。下面係芒果醬，味道較淡，但又幾襯牛肉味，蘸嚟食感覺會冇咁膩。
雞扒加雞柔骨和烤菠蘿柚子漢堡配炸甜薯條$92，有好多即炸嘅蕃薯條，外鹹內甜幾特別
雞扒加雞柔骨和烤菠蘿柚子漢堡配炸甜薯條
$92
15 views
0 likes
0 comments
漢堡餡係雞扒加雞柔骨，但啲雞柔骨好大粒同埋較硬，有啲難咬，如果切碎啲會好啲!
Juhee's心太軟雪糕筒系列 朱古力或紅絲絨朱古力$48，我揀左紅絲絨朱古力味。叫之前問左店員係乜，韓籍店員用英文話cone入面係lava cake。心太軟，我從來都唔放過!
嚟到係咁樣。
Juhee's心太軟雪糕筒系列-紅絲絨朱古力
$48
12 views
0 likes
0 comments
面頭係忌廉，入面係紅色朱古力漿。但就冇cake，唔知原本設計係咁，定焗得未夠時間，失望。
朱古力漿朱古力味唔濃，而且因為全漿狀，朋友笑我食到成口血咁~ 而家係農曆七月，真係「應節」...
臨走時見到呢個牌，Good night 서울메이트 ! 期望下次嚟會推出<<火焰一舊雲甜品>>!
Post
