生記粥品專家

Open Now

Now Closed

來生記食，大概係很多中環，上環嘅人午餐考慮嘅其中一間小店。我亦不例外，一星期總有幾天係會來光顧這間小店的。這裏的魚腩粥非常好味，不過今次我怕唔飽，就點左個魚腩豬心粥，這裏的魚腩非常鮮味，幾乎不用點醬油就可以入口了，這裏的豬心亦非常不俗，用紹興酒腌過嘅質感還是非常爽口彈牙，每一口咬落去都聞到淡淡的酒香，但係佢絕對唔影響粥底嘅味道，生記嘅粥底係非常好味架，所以午飯要前來嘅人，要預咗條人龍非常長架。這裏的牛筋牛腩伊面都係非常出名的，每一啖牛筋咬落去都好似好多骨膠原食咗落肚咁，牛腩嘅質地就比較爽，但係最愛嘅都係佢嘅腩汁湯底，生記嘅腩汁湯底並唔係好似外邊食到嘅腩汁一樣，濃濃好似深壑式嘅湯底架，這裏嘅湯底係清澈嘅，可以見到面以及牛腩嘅清湯底，湯底好似煲咗好耐，牛香味非常之濃，感覺可以將整碗湯都飲入肚子裏。