SUKIYA すき家 (金龍中心)

Open Now

Now Closed

今日喺尖沙咀搵地方食飯，行過金馬倫道，見到呢間日本牛肉飯店，之前喺旺角同埋其他地區嘅分店，每次見到佢都見佢人山人海，排曬長龍，所以一直都冇機會去，但係今日可能因為我哋嘅時間比較晏喇，係下午茶時間，大約係三四點左右，所以反而就冇乜人喎，一於就去試下，睇吓點解佢咁受歡迎。今次我哋叫咗一個熱溶芝士牛肉飯，芝士味道幾濃郁，但食落到有啲滯，另外叫咗一個溫泉蛋炙燒豚肉飯，豚肉多汁鮮味，飯質都幾軟滑，不過成個餐嘅賣相就爭少少啦，好似個沙律、青菜同埋麵豉湯，望落就唔夠精緻，冇心目中預期咁好，可能因為係日本品牌，期望會比較高，有點落差。