Video
Read full review
2021-07-30
623 views
睇戲食飯拍拖做人做事買股票，都離唔開期望管理。期望愈大，即使最終得出嘅結果係平均以上，你都可能失望而回。當你對依個香港都接近冇期望，每日聽到睇到三幾個以為冇可能發生嘅黑色幽默，你仲可以點？🥲都係唔好愈講愈遠，講食嘢：「光榮冰室」我應該係第二次去食。第一次去食嘅係蔥油豬扒飯，真心覺得幾好食，正常豬扒正常蔥油，水準係平均以上。咁講真，蔥油+豬扒，依兩樣咁簡單嘅野，又幾難整到唔好食。今次去食下午茶，期望都唔係咁高，我自己一條友就食左兩個下午茶餐：美式珍寶熱狗，生炸大雞髀配薯角 + 兩杯凍檸茶走甜總數都係$56熱狗嘅賣相都幾平價下，但食落又幾好食，簡簡單單一條咸咸地嘅腸，加兩塊蕃茄酸瓜，再加啲好普通嘅沙律醬。好似返咗細個嘅時候，放學去啲平價餐室食嘅熱狗味道。幾好食，童年嘅回憶係無價；亦都可能我本身cheap，cheap野先啱自己。炸雞髀就真心好唔掂，就咁睇個樣都知。油，Hea，同埋應該唔係生炸。因為由我落單到雞髀上枱都係用咗2分鐘🌝🌚但重點真係好Hea，薯角變左薯條都冇乜所謂，但係啲薯條真係幾難食，有啲好硬有啲好軟，分明炸咗好耐放埋左一邊。佢上菜嗰時，望都唔望，炸物嗰啲渣都仲喺度，好心啦😮💨
睇戲食飯拍拖做人做事買股票，都離唔開期望管理。期望愈大，即使最終得出嘅結果係平均以上，你都可能失望而回。
當你對依個香港都接近冇期望，每日聽到睇到三幾個以為冇可能發生嘅黑色幽默，你仲可以點？🥲
都係唔好愈講愈遠，講食嘢：
「光榮冰室」
我應該係第二次去食。第一次去食嘅係蔥油豬扒飯，真心覺得幾好食，正常豬扒正常蔥油，水準係平均以上。咁講真，蔥油+豬扒，依兩樣咁簡單嘅野，又幾難整到唔好食。
今次去食下午茶，期望都唔係咁高，我自己一條友就食左兩個下午茶餐：美式珍寶熱狗，生炸大雞髀配薯角 + 兩杯凍檸茶走甜
總數都係$56
熱狗嘅賣相都幾平價下，但食落又幾好食，簡簡單單一條咸咸地嘅腸，加兩塊蕃茄酸瓜，再加啲好普通嘅沙律醬。好似返咗細個嘅時候，放學去啲平價餐室食嘅熱狗味道。幾好食，童年嘅回憶係無價；亦都可能我本身cheap，cheap野先啱自己。
炸雞髀就真心好唔掂，就咁睇個樣都知。油，Hea，同埋應該唔係生炸。因為由我落單到雞髀上枱都係用咗2分鐘🌝🌚
但重點真係好Hea，薯角變左薯條都冇乜所謂，但係啲薯條真係幾難食，有啲好硬有啲好軟，分明炸咗好耐放埋左一邊。佢上菜嗰時，望都唔望，炸物嗰啲渣都仲喺度，好心啦😮💨
其實，廿幾蚊，食物質素差/份量少都好正常，但其實只要嗰員工用多🤏心機，出多🤏力，隔一隔油，隔一隔啲渣，薯條炸好🤏。即使同樣嘅食材，就算都係一隻斷咗嘅細雞髀，其實廿幾蚊黎講，好多人都會收貨。
Mcmug綜合評分：4/10 下午茶好平，但真心質素麻麻，但我都會俾機會你，希望你唔好淨係sell個名，做返好自己，加油。私心加多2分，6/10。
29 views
0 likes
0 comments
Post
