真香蛋卷

Open Now

Now Closed

之前讀書嘅時候都見到有一間蛋捲舖， 係一條街嘅中間位一路喺度卷蛋捲 ，今日難得再入返去元朗而且途經附近添，所以都忍唔住同咗男人過去睇 ，依然都係有阿婆同埋一個男人喺度手工卷蛋捲 。最後我哋嗌咗一盒細嘅蛋捲，同埋一盒細嘅肉鬆鳳凰卷返到屋企。開咗 蛋捲 ， 食落都幾脆口，但係雞蛋味唔夠，以28蚊嚟講得八條其實價錢都幾貴。 之後買咗一盒鳳凰卷畀阿爸 ，阿爸食落去都覺得個蛋味唔夠， 而且材料好少，講真如果唔講都唔知入面有肉鬆嘅成分， 整體嚟講只屬一般 。 可能之前還想比較太好食…… 但其實佢仲有其他唔同嘅懷舊小食，雖然馬仔唔係佢整，但係食落去唔算太甜，味道啱啱好 價錢三蚊一大嚿都幾抵食。