Wing Wing 哋 (Closed)

睇見社交網推介，呢間係前港龍機師開雞翼專門店，除咗雞翼之外仲有特色罐頭丼飯，即刻去試吓。舖頭門面不大，設堂食及外賣自取，裏邊裝修簡單，大大個「翼來順受」霓虹燈非常搶眼，由一位四眼哥哥負責落單，門簾內看到廚房約有四個工作人員。我選擇外賣帶返屋企，買咗兩個罐頭丼飯，薑燒豚肉飯和照燒雞扒飯，另外試吓其中編者推介嘅焦糖威士忌雞翼同鹹蛋黃雞翼。薑燒豚肉丼飯飯嘅分量足夠，飯盒包裝亦都非常新穎、吸引，要打開個飯盒就好似開罐頭一樣，將易拉蓋扯起；飯盒溫度夠熱，可惜完全食唔到薑汁味（一般日本食肆豚肉生薑燒係食到好香薑汁味），若果女仔細食一個飯一定可以分兩餐，罐頭飯內略嫌蔬菜少咗啲，有3小棵椰菜花及2小棵西蘭花。至於照燒雞扒丼飯味道不過不失。講到雞翼，我係抱有好大嘅期望去試，編者推介嘅焦糖威士忌雞翼，只係食到甜味，完全食唔出威士忌嘅酒香，而所謂嘅焦糖味一啲焦香都冇極其量只可以叫做蜜糖香甜，真係覺得好失望；另外鹹蛋黃雞翼味道就夠鹹香，鹹蛋黃炒成嘅金沙亦都做得較出色，兩款雞翼都炸得唔錯，雞翼能夠保持肉汁唔會好乾身，價錢亦算合理。落單時間係傍晚大概七點，人客唔多，堂食只有兩位客人，外賣嘅時候大概等咗15分鐘，職