三木日本料理 (Closed)

同學生日兼聚舊，壽星揀左三木既日本放題+爐端燒，限時2個鐘，佢同一般日本放題無異，任叫任食，咁佢就有少少新意，加入左海鮮爐端燒，都幾有去左日本感覺，但呢度d 位就比較窄，可能又要放個爐係枱，放得食物既位都好少！通常食放題第一轉就會叫好多既，我地太肚餓，都點左好多好快就海鮮上枱先，見到果陣好開心架，咁再望望其他枱，咦...人地有龍蝦既，咁更係即係問侍應啦，佢話呢d海鮮係廚房隨機抽既，我地十萬個?????, 可能我地人多啦，咁佢就比左其他海鮮我地，呢點有點失望既，因為見到人地既龍蝦堅係吸引，但我地冇囉！跟住就黎刺生同熟食既食物，刺身就不過不失，唔算話好新鮮，攞出黎就唔太震撼；反而熟食果類就整得好好，全部都即燒即煮，都好好食食完熟食就玩爐端燒啦，慢慢燒海鮮，海鮮既新鮮程度就一般啦！可能今日人太多，服務員都好忙，態度有待改善！