Video
Read full review
2024-12-28
90 views
星期五臨時喺OpenRice上面訂位，咩時段都有得揀。七點左右去到，餐廳地方不大，已經有兩三枱客食緊。見到晚餐套餐有沙律有湯有主食，抵過散叫，一於就試吓。本身想試吓二人餐（$7xx)，但主食都係肉類，想試一個飯或者意粉所以就冇叫到。每台都有星星或者月亮嘅枱燈，增加氣氛，但就幾阻埞，最後店員都要將兩張枱拍埋俾我哋先夠放嘢食。沙律唔係齋落醋，有酸酸甜甜嘅芒果汁幾新鮮開胃。蘑菇湯正常發揮，但一讚蒜蓉包烤得香脆。豬仔髀煮得幾腍入味，墨魚汁飯亦有啲蜜糖芥末嘅甜甜地味都幾特別。個扒明顯同二人餐或者散點嘅有分別，雖然佢話頂級西冷，落單時亦都有問我想要幾多成熟，但以咁薄嘅厚度其實都冇咩分別，食落亦冇乜肉味，只係好普通好似超市買到一般嘅牛扒。我哋兩個各叫咗一個花茶，用透明茶壺裝住，店員見我哋飲晒仲會幫我哋加水。雖然餐廳訂枱本身有限時100分鐘，餐廳店員亦都話當晚Booking好full，但最後餐廳最多人都只係得半滿，夠鐘店員亦都冇趕我哋走俾我哋傾吓偈。所以我哋兩個人都決定叫多個甜品試吓。店員推介佢哋嘅自家製心太軟，製作需時。嚟到見到個樣係有啲細，但係一切落去都非常流心，好期待咁試吓。心太軟食到有啲杏仁味
見到晚餐套餐有沙律有湯有主食，抵過散叫，一於就試吓。本身想試吓二人餐（$7xx)，但主食都係肉類，想試一個飯或者意粉所以就冇叫到。
每台都有星星或者月亮嘅枱燈，增加氣氛，但就幾阻埞，最後店員都要將兩張枱拍埋俾我哋先夠放嘢食。
鮮果雜菜沙律
0 views
0 likes
0 comments
沙律唔係齋落醋，有酸酸甜甜嘅芒果汁幾新鮮開胃。
每日精選餐湯配蒜蓉包
0 views
0 likes
0 comments
蘑菇湯正常發揮，但一讚蒜蓉包烤得香脆。
蜜糖芥末醬燒豬仔髀 配墨魚汁意大利飯
$188
0 views
0 likes
0 comments
豬仔髀煮得幾腍入味，墨魚汁飯亦有啲蜜糖芥末嘅甜甜地味都幾特別。
烤紐西蘭頂級西冷牛扒（8安士） 配紅酒燒汁
$228
0 views
0 likes
0 comments
個扒明顯同二人餐或者散點嘅有分別，雖然佢話頂級西冷，落單時亦都有問我想要幾多成熟，但以咁薄嘅厚度其實都冇咩分別，食落亦冇乜肉味，只係好普通好似超市買到一般嘅牛扒。
我哋兩個各叫咗一個花茶，用透明茶壺裝住，店員見我哋飲晒仲會幫我哋加水。
雖然餐廳訂枱本身有限時100分鐘，餐廳店員亦都話當晚Booking好full，但最後餐廳最多人都只係得半滿，夠鐘店員亦都冇趕我哋走俾我哋傾吓偈。所以我哋兩個人都決定叫多個甜品試吓。
自家製心太軟
$88
0 views
0 likes
0 comments
店員推介佢哋嘅自家製心太軟，製作需時。
嚟到見到個樣係有啲細，但係一切落去都非常流心，好期待咁試吓。心太軟食到有啲杏仁味。我同朋友都唔太鍾意。而雪糕底嘅花生碎，亦都有油益味。都幾失望。
見到星期五嘅晚上有得book位，OpenRice嘅評分亦都好高，仲話係前五星級大廚，令到我本身都好大期望，但整體都只係覺得一般。抵讚嘅就係女店員服務態度都好殷勤有禮。
另外返到屋企發覺個身癡滿咗油煙味。
Post
