Video
Read full review
2013-09-25
629 views
繼上次去咗九龍灣嘅「Ramen Champion」後，今次就同朋友嚟翻比九龍灣更早開嘅佐敦店，同九龍灣一樣入面都係有好幾家唔同從日本而來嘅拉面店，每家都各有唔同特色嘅拉面，今次我試嘅就係「北海道毘沙門零」。同樣一入場時工作人員會先比一張電子卡，然後就可以用佢去叫嘢食。綠茶 係自己去水吧到拎，場內亦有免費Wifi供應，不過當時我連線後上唔到網。購買後唔使企係到等，翻去坐著等「Call機仔」響就拎得，正！札幌味噌特製拉麵 $88 配料好多，面層有大量粟米、荀條同芽菜，叉燒份量都絕唔孤寒，有成4塊，雖然張相睇唔到，但其實仲有半隻半熟蛋。湯頭濃稠，入口有濃郁味噌味，不過食得耐就覺得略咸。麵條係普通直身麵略帶曲，比較硬身，算係煙韌，不過掛湯能力一般，整體麵條質素普通，但肯定唔係幾間中最差。叉燒唔係常見嘅圓卷型，改用直身叉燒，邊位燒得帶點焦，肥脂偏少一點，所以食起嚟有啲硬同乾，味道都比較淡。荀條 $10 半熟蛋 $10 特色明太子煎餃 $38因為之前係「Ramen Champion」食過其他拉面鋪，唔少拉面都係無荀條同半熟蛋，所以今次就另外追加咗，點知聰明反被聰明誤，原來個面係包埋。荀條質素唔錯，
同樣一入場時工作人員會先比一張電子卡，然後就可以用佢去叫嘢食。
綠茶 係自己去水吧到拎，場內亦有免費Wifi供應，不過當時我連線後上唔到網。
購買後唔使企係到等，翻去坐著等「Call機仔」響就拎得，正！
札幌味噌特製拉麵 $88
配料好多，面層有大量粟米、荀條同芽菜，叉燒份量都絕唔孤寒，有成4塊，雖然張相睇唔到，但其實仲有半隻半熟蛋。湯頭濃稠，入口有濃郁味噌味，不過食得耐就覺得略咸。麵條係普通直身麵略帶曲，比較硬身，算係煙韌，不過掛湯能力一般，整體麵條質素普通，但肯定唔係幾間中最差。叉燒唔係常見嘅圓卷型，改用直身叉燒，邊位燒得帶點焦，肥脂偏少一點，所以食起嚟有啲硬同乾，味道都比較淡。
荀條 $10 半熟蛋 $10 特色明太子煎餃 $38
因為之前係「Ramen Champion」食過其他拉面鋪，唔少拉面都係無荀條同半熟蛋，所以今次就另外追加咗，點知聰明反被聰明誤，原來個面係包埋。荀條質素唔錯，好濃嘅荀味，而且無咩渣。反而半熟蛋真係失色咗少少。不過最失望嘅都係「特色明太子煎餃」，雖然煎得底皮香脆，個樣幾靚，不過味道一般，明太子醬汁無想像中好味，比起上次我係「無限大」食嘅煎餃大為失色。
因為覺得自己叫嘅好一般，所以見到朋友喺「超男」叫嘅沾麵就好想食，成程望著佢！
Post
