稻八日式火鍋炸物放題 (Closed)

同朋友即興去稻八日式火鍋炸物放題打邊爐，餐廳位於大埔舊墟直街4-20號美新大廈地下A2號舖，由太和火車站步行約5分鐘左右到達。餐廳有5款放題可以選擇，我地簡左中等價錢$298 200日澳洲穀飼牛肉放題，120分鐘放題任飲任食，火鍋配料多達20–30款、日式小食、炸物放題、沙律、甜品、飲品除左有紙包和罐裝飲品外，以家有期間限定慶祝餐廳6周年，星期一至日惠顧任何放題包任飲啤酒、清酒、梅酒，非常吸引又抵食。北海道3.7牛乳牛骨湯，湯底呈奶白色，味道好濃郁，唔會愈食愈淡。侍應好快送上豬肉、羊肉、手切牛、雞肉和200日澳洲穀飼牛肉，牛魔王既我地encore 得最多200日澳洲穀飼牛肉，牛味濃郁，大大片擺落口，啖啖肉非常滋味，除左肉類，蝦滑和墨魚滑都必食，好入味，爽口彈牙。除左火鍋放題，以到最有特色就係炸物放題，炸物區有十多款食物可以選擇，已經串好一串串，簡單又易整，最欣賞以到既油唔會周圍彈，好玩又好食。任食日式小食，由於我地食得太飽，所以只點了幾款，日式小食即叫即炸，送到上黎都仲係熱辣辣。最後我地食埋甜品和雪糕，為邊爐畫上完美句號。