肯德基家鄉雞 (KFC) (Moved) New Location

lunch諗唔到食乜，見報紙介紹西西里脆雞新口味，所以就去試吓。先介紹呢個1人餐，包2件雞(1雞下脾+1雞胸)，1個磨菇飯，1件葡撻，1杯汽水。今次啲雞好香脆新鮮，炸出嚟係勁辣手，第一次食kfc食到咁熱嘅雞。佢話係西西里風味，即係雞皮多咗羅勒香去炸，都算可口，其實個重點係個蕃茄醬，但真係好hea，就咁俾一包你，正路都應該搵個碗仔裝起喇。隻醬都算辣辣地，總結而言，呢隻新口味麻麻哋，只有6分。同原味雞比會揀返原味雞。另外要批評呢間kfc排隊花時間勁長，足足等左15分鐘，餐廳環境都好差，位置好窄，員工想抹台都唔得，有人食野唔小心掃左落地下又掃唔到，搞到好污糟咁。