炑八韓烤 (MegaBox) (Closed)

📍依家炑八韓烤出咗期間限定嘅魷魚遊戲套餐！門口仲有打卡位好得意，叫佢嘅限定套餐($758)仲會有貼紙同埋2024嘅年曆送。套餐入面包哂豬牛雞同海鮮，啲肉基本上都已經醃過晒，就咁食已經好夠味。牛肉有幾款包括外裙肉、和牛牛肋條同月見牛腹肉，牛腹肉燒完再點埋隔離嘅燒汁蛋液，有啲似食壽喜燒嘅感覺！新鮮魷魚原條燒完之後再剪，口感彈牙新鮮。仲有五花肉、雞肉同埋鱈魚肉等，真係唔驚唔夠飽！仲有得無限refill前菜、芝士粟米同泡菜蛋。椪糖曲奇雪糕($38)又可以玩又可以食！玩完個餅乾就食雪糕🍦係雲呢拿味仲有埋士多啤梨粒！另外叫咗兩杯紅燈沙冰同綠燈沙冰($48)，係幾colourful不過味道就甜咗啲。