SoSoSo Kakigori (Closed)

新開業嘅刨冰店口味以日本當造水果為主，近期就有沖繩檸檬、白桃、奇異果、芒果等八種口味。最近佢仲同日本鳥取縣合作，推岀期間限定嘅西瓜刨冰、西瓜芝士奶蓋凍飲。「鳥取西瓜」甜度達11度！難怪西瓜汁咁清新消暑唔死甜。呢兩款都供應至7月21號咋！西瓜刨冰 $110刨冰賣相十足西瓜！初初食落西瓜味都幾岀，食到中間有啲乳酸爆爆珠同蒟蒻增添口感，但西瓜味有少少被搶左。不過當淋上旁邊嘅香甜西瓜汁，就開始有越食越濃嘅感覺。食到最後都唔會無味！刨冰用上日本天然水，外層質感尚算輕綿。幾欣賞頂層嘅芝士奶蓋，軟滑厚身，好重芝士味，配埋西瓜同乳酸，鹹鹹甜甜帶點清新感覺，層次幾豐富西瓜芝士奶蓋凍飲 $48芝士奶蓋一樣厚滑濃芝士味，而底下嘅西瓜沙冰就好重西瓜味 帶點冰感，相當消暑唔死甜金檸刨冰 $95令我回想起細個成日食嘅檸檬冰。食落無想像中咁酸，反而偏甜帶點微澀。中間一樣有酸味味嘅爆珠同蒟蒻增添口感，不過同金檸嘅酸味唔算好大分別，無西瓜個款咁大contrast，勝在有厚滑嘅芝士奶蓋增添層次。個人就鍾意期間限定嘅西瓜刨冰多啲啦，呢款食到最後有少少單調同甜膩。抹茶蕨餅 $38蕨餅冰涼滑嫩帶點Q彈，口感唔錯。茶味濃而不澀，