伊甸 (Closed)

來到觀塘買野，順便搵下野食，到左一間叫Eden的工廈舖。位置在觀塘工業中心四期，一出觀塘鐵路站就到，地點好方便。入到餐廳，店員好快安排入座，送上餐牌同qr code，可以自己點單。落完單乖乖等食，望下四周，其實間舖都幾大，枱同枱間仲好濶落添。叫左一份蛋餅，加送凍茶，仲要埋甜品添，好豐富了。🍽️寶島蛋餅配輕量沙律蛋餅可自選一款餡料，揀左要芝士，蛋餅香脆加埋半瀜芝士真係好正，沙律配上麻醬，仲加埋堅果碎添，好睇又好食。🍽️巴斯克芝士蛋糕叫餐可用優惠價加配，3.5寸細細個，自私食啱啱好，蛋糕軟綿香滑，好好食。🍽️無糖烏龍茶跟餐的餐茶可加錢轉珍珠奶茶或其他台式飲品，不過要左蛋糕都係配個無糖茶啱味啲，烏龍茶茶底香，加上雪凍左真係透心涼，好飲～小店唔使加一，加上環境唔錯好休閒，絕對係觀塘區嘅好選擇。