貓之茶房 (眾安街)

Open Now

Now Closed

同朋友去左貓之茶房，同之前去嘅貓cafe唔同，呢到場地夠大，有唔同類型嘅櫈提供，坐地下嘅小茶几，大圓枱，椅背座位，坐得夠chill又有空間感場內有為數十幾隻貓 ，芯芯、奶黃、波士、奶昔，隻隻都有唔同名，又有唔同性格，但都好親人，我地又時摸住佢地傾計，同佢地selfie都無咩反抗我覺得呢到都好適合大朋友同小朋友：🧡見佢地會講解畀小朋友聽睇貓要注意嘅事項，同埋留意貓貓嘅脾性，有啲貓咪頸上有提示，例如"戒食零食"，"我要減肥"，畀小朋友學下同動物嘅唔同相處🧡入場每位俾一個膠袋包住自己個袋，以防貓咪整污漕袋，服務細心🧡有即棄紙拖鞋提供，包括小朋友嘅紙拖鞋🧡有大大小小卡game提供，亦有漫畫同免費充電器🧡入場費有包括飲品同輕食，例如蛋糕同三文治（用自動販賣機），曲奇，花包都有整體環境好簡約，簡單同貓貓互動下都覺得好治癒同放鬆，一個好舒服嘅空間食物評論： 三文治鬆軟，芝士同雞蛋餡料多。芝士蛋糕creamy又香，都幾大件，食落又唔會太甜，好食！咖啡同綠茶都好濃香。