壽司德 (Closed)

聞說呢度好得，掂過“鮨真”，點都要嚟會下先完美咁整到個壽司排行榜。選咗特上壽司定食。白身魚、鱆紅魚好普通，赤身帶腥、中拖羅唔夠肥有筋，帶子幾實彈，甜蝦膠質黏口，三文魚子鮮味，海膽新鮮。沙律蔬菜新鮮爽口、蒸蛋質感略稀唔夠蛋味鮮味，麵豉湯正常冇過鹹。咖啡幾濃厚有層啡油响面。整體幾好但又冇乜深印象唔係食過最好。差唔多或更平價錢可以揀“千里禪”、“鮨真”、“鮨森”，平啲嘅“大倉”質素亦相約。冇乜客人但侍應唔係好熱心咁答嘢。