Applegreen (Closed)

從來未食過咁難食嘅牛扒，大家睇圖就知道，塊牛扒薄到好似紙咁，叫七成熟但係熟到好似食緊舊炭咁，一放上枱就知道伏味濃，價錢仲要唔平($178加一)。薯條好幼，完全冇味，真心麥當勞仲好食。另外男朋友仲叫咗個豬扒，肉質勁似鞋底，雖然冇相，但係茶餐廳啲豬扒一定仲好食，隔離有堆risotto，唔講以為係毆吐物。全餐飯最好食嘅就係菠蘿，又甜又多汁！大佬要我成四舊水淨係食菠蘿？！D侍應仲要唔係點睬你，你一食完就幫你收野，好似趕你走咁。