蟹慶 (Closed)

同朋友慶生，揀左黎蟹慶。因為見人share餐廳環境幾骨子又有卡位，我地4個人啱啱好。book 7點，有朋友準時到拎左位先，因為另一位朋友遲收工所以就7點9先齊人叫野食。4個人其實叫左唔算多野食，但食物質素幾好，黎得都叫快。兩個沙律好清爽，一黎就俾我地分哂黎食。甲羅燒我就覺得有少少失色，食落冇乜味咁。天婦羅即炸好脆口，係好想encore。牛舌不過不失。和牛鵝肝炒飯，好入味，鵝肝雖然份糧唔多，但因為係比較油膩，所以都叫啱啱好。食到差唔多9點，侍應走過黎叫我地準備埋單，因為兩小時用餐時間，嗰下我地有啲愕然。望一望個場，非常多吉位，問朋友入座嗰陣有冇講用餐時間兩個鐘，朋友話冇提過，而且openrice訂座條款亦冇要兩個鐘交枱。本身揀呢個場嘅其中一個原因就係因為佢收11點，諗住可以同朋友傾耐少少。點知佢九點未夠就攞張單過嚟叫我哋埋單，講真其實唔係唔可以繼續叫嘢食，不過你咁樣嘅態度趕我哋走，我哋都唔會想繼續俾錢你賺。所以我哋同生日朋友影咗幾張相埋埋張單就走咗，我哋走嗰陣時九點幾成個場已經冇晒客，最後係等𨋢嗰陣見到房入面有人行出嚟，先知道原來有Private Room，anyway，冇下次。