李家 (Closed)

大家見我做野做得唔開心！再約飯聚！本來去 Amico 1890 因為上次食左張現金卷可以再用！點知去到成門口都係人...唔記得訂位既壞處 😭😭即刻轉場啦！醒起馬會果邊有間李家不如上去試下啦！多人咪又走囉 😂😂 上到去都算好彩！仲有位！好快入座喇！主要想食炸雞！我選完之後朋友再點！燒五花腩，呢個好正！好香豬咪！入口又淋好易咬開！個蔥絲好香辣！好醒胃！蒸蛋湯，其實都冇湯...個名點黎 😂😂 個蛋老左少少！可以我將佢同日本蒸蛋比！哈哈！個底說好燶下！千奇唔好不咁底...個口會苦架！50/50 炸雞！即係原味同酸辣各一半啦！雞肉我覺得比較乾！冇汁！但味道兩個味都好好！個人認為原味比酸辣既辣！好攪笑！個皮都唔厚好脆！呢個係芝士海鮮炒年糕，朋友仲話唔夠既叫多個炸雞！原因係佢唔食年糕！點知我地分呢個既時候！入面竟然有烏冬！太好笑喇！慳番！入面海鮮唔算多！但好多菜、年糕同烏冬！十分飽肚！味道比其他菜辣！芝士扯極都唔斷...我分呢個分到想發脾氣 😂😂 總括黎講味道唔差！價錢可能叫左個平既！相對除 4個人又唔係好貴！每人都係 150蚊！都可以接受！