愛民海鮮酒家

Open Now

Now Closed

屋企人有朋友住流浮山，可以預先幫手揀海鮮，所以每幾個月就會去流浮山食海鮮。而每次都會去愛民，因為平靚正，服務好，但環境比較逼，漁村酒家feel。今次一行六人，同學聚會。 本灣奄仔蟹：主角登場！今次就係為佢而嚟。鹽焗，多膏，蟹肉鮮嫩，正！我哋每個都食到停唔到口。象拔蚌刺身：口感鮮嫩、爽脆，唔錯！象拔蚌泡飯：將象拔蚌個膽煮泡飯，好鮮甜，一定要落胡椒粉先好食。鹽焗花螺：新鮮，咸香入味。炆魚：外脆內香，炆得恰到好處。椒鹽瀨尿蝦：好大隻，好多肉，好香口，好鮮甜，色香味俱全，正呀！蒜蓉粉絲蒸扇貝：味道正常，口感都算嫩滑，冇乜特別驚喜。上次母親節嚟食，人多廚師水準keep唔到，今次平日嚟keep到水準，碟碟都好精彩，下次識揀時間了。