Video
Read full review
2010-02-08
6 views
已早大半個月約好表表們一齊去南生圍影影影, 可惜天公不做美, 大雨連連, 早上港島區既雨水不大...相反..下午時分, 一入到屯門..就行雷閃電..大雨極....只用車兜了南生圍, 是日整日遊車河... 有車上途中, 外星話前2晚去過銀座梅林食飯, 話唔太差, 於是晚飯決定在此解決了~ 因為外星人和火星人要做節, 只有其餘6個人 - 基基, 教主, 熊仔, aki ma, 豬bu + 本魚, 大概7:15 p.m. 去到, 問門口既姐姐, 如要坐大枱要等半個鐘, 而bar 枱就唔需要等, 緊係坐bar枱, 順便知道D師博點樣煮唷. 坐底即睇Menu, 唔...聽外星人話定食都幾大份, 於是叫3個定食, 仲有另加其他既食物. 單點 - 炸豬扒薄切 (半份), 唔...粉漿夠鬆脆, 但係鞋了點...有點過火... 單點 - 炸蠔(1隻), 佢地係一隻計, 上枱, 外型細隻, 味道一般, 32蚊一隻黎講貴咗D, 唔抵吃~ 單點 - 炸薯餅, 入面有粟米, 薯餅厚身, 薯仔味道夠濃, 可以一試~ 單點 - 炸雞塊, 無炸粉在外, 佢地係就咁炸, 太乾身, 要用醬汁點黎吃先可以~太 熊仔+ak
有車上途中, 外星話前2晚去過銀座梅林食飯, 話唔太差, 於是晚飯決定在此解決了~
因為外星人和火星人要做節, 只有其餘6個人 - 基基, 教主, 熊仔, aki ma, 豬bu + 本魚, 大概7:15 p.m. 去到, 問門口既姐姐, 如要坐大枱要等半個鐘, 而bar 枱就唔需要等, 緊係坐bar枱, 順便知道D師博點樣煮唷.
坐底即睇Menu, 唔...聽外星人話定食都幾大份, 於是叫3個定食, 仲有另加其他既食物.
單點 - 炸豬扒薄切 (半份), 唔...粉漿夠鬆脆, 但係鞋了點...有點過火...
單點 - 炸蠔(1隻), 佢地係一隻計, 上枱, 外型細隻, 味道一般, 32蚊一隻黎講貴咗D, 唔抵吃~
單點 - 炸薯餅, 入面有粟米, 薯餅厚身, 薯仔味道夠濃, 可以一試~
單點 - 炸雞塊, 無炸粉在外, 佢地係就咁炸, 太乾身, 要用醬汁點黎吃先可以~太
熊仔+aki ma 之生姜豚肉燒定食, 豚肉咸左d, 送飯ok, 如淨食豚肉就咸左d, 而且個份量都幾細.
基基+教主之厚炸豬扒定食 (黑豚肉), 炸皮都算鬆化, 咬一肉鞋口, 無咩肉汁, 要靠枱上既汁令到佢食落無咁難入口...教主話D白飯較粘..基基唔鍾意吃唷~
豬bu + 本魚之炸豬柳定食(黑豚肉), 一碟4小件, 外型幾好, 但咬一口, 又是失望, 同厚炸豬扒一樣..無肉汁, 鞋口, 乾... 麵豉湯有蘿白+小小一塊塊豚肉, 比較咸, 本魚都係鍾意豆腐粒, 海帶之味增湯也.
總括, 本魚覺食物價錢算貴, 定食份量都唔算大, 男生食既話..就唔多夠, 服務可以, 菜絲任食, 侍應們會不停為你加茶, + 不停問你要唔要添加菜絲, 食物既味道可以, 但未之於本魚再返兜的一間餐廳唷.
Post
