漢堡餅店 (Closed)

唔記得邊日, 係學校補完課, 要去中環搵textbook, 經過諗起有唔少人話呢度o既朱古力撻好味, 於是就買左個試下, $2.5, 都幾大個下, 就份量睇都幾抵食。不過味道比想像中差, 可能之前睇得太多讚佢o既食評, 以為佢真係好好好好味。面頭個朱古力皮都幾有朱古力味, ok; 但係入面就差少少, 我睇佢個樣似係蛋糕, 但係就好濕, 除非我誤會左佢, 其實佢唔蛋糕, 否則就真係差左少少; 個底都係腍左dd, 我suppose佢應該係有好大pat o既chocolate sauce/cream, 點知原來冇, 叫朱古力撻少少怪, 因為佢又唔係用酥皮, 只係成個都係蛋糕, 底下有個餅底咁。叫朱古力蛋糕批會好d囉。不過講返轉頭, 朱古力味好似唔太夠, 但係我要講明, 我係偏愛dark chocolate, 越苦越鍾意果隻, 可能係佢偏甜令可可濃低左掛。