Video
Read full review
2023-11-03
595 views
平日嘅下午喺荃灣廣場行完街，random過對面街搵嘢食，於是揀咗一間望落幾特別嘅餐廳。.可能係平日嘅下午，入到餐廳淨係得幾個客，環境好安靜，好似圖書館咁😂冇人講嘢，連背景音樂都冇😂😂.落單等咗15分鐘先有嘢食（喺香港嚟講算有啲慢）🙃.麻辣雞扒包餐 配薯條 $38賣相唔錯，但食落一般般，個包剪得太燶，一食就有浸燶味，麻辣雞扒肉質同味道都唔錯，但成個包好乾，一啲醬同汁都冇，好似肉還肉，包還包咁。薯條正常發揮，但春卷唔係幾好食，咬入去唔知咩餡料，好似一堆粉咁。朱古力普洱 （下午茶熱飲唔使加錢）我覺得呢杯飲品算高質，第一眼望落去同朱古力冇分別，第一啖飲都覺得好濃朱古力味，但飲飲吓會飲到有浸普洱味滲出嚟，如果茶味再濃啲就更好～😋.下午茶餐幾抵食.環境幾舒服，但真係安靜到不得了😂.門面有種文青感覺～
.
可能係平日嘅下午，入到餐廳淨係得幾個客，環境好安靜，好似圖書館咁😂冇人講嘢，連背景音樂都冇😂😂
.
落單等咗15分鐘先有嘢食（喺香港嚟講算有啲慢）🙃
.
麻辣雞扒包餐 配薯條 $38
賣相唔錯，但食落一般般，個包剪得太燶，一食就有浸燶味，麻辣雞扒肉質同味道都唔錯，但成個包好乾，一啲醬同汁都冇，好似肉還肉，包還包咁。
薯條正常發揮，但春卷唔係幾好食，咬入去唔知咩餡料，好似一堆粉咁。
朱古力普洱 （下午茶熱飲唔使加錢）
我覺得呢杯飲品算高質，第一眼望落去同朱古力冇分別，第一啖飲都覺得好濃朱古力味，但飲飲吓會飲到有浸普洱味滲出嚟，如果茶味再濃啲就更好～😋
.
下午茶餐幾抵食
.
環境幾舒服，但真係安靜到不得了😂
.
門面有種文青感覺～
Post
