Video
Read full review
2009-07-02
一路行黎呢到既時候真係好佩服香港人搵食既能力~~~ 原本分域碼頭既位置已經好僻, 但係vero既舖位仲要係隠閉既1樓. 商場入面又無咩廣告及指示牌. 好懷疑究竟第一個發現呢間舖既食家係以咩途徑發現呢間舖頭. 呢到既裝修同佈置令人一行到入去就有一種好舒服既感覺. 以白色為主色, 雖然有一大半係廚房, 再加上店入大量 "名貴" 既擺設, 令到原來唔係大既店舖實用面積更細, 但係一邊既落地玻璃窗就又令到空間感大左. 唔知係唔係因為天雨既關係, 一上到去就有位坐唔駛等. 之前我睇食評見好多人都話黎呢到食野等個幾鐘好正常. 如果係咁, 我反而幾欣賞佢唔會因為想做生意而加位..... 雖然落地玻璃窗外面既地盤景真係好大殺風景, 不過坐係落地窗前面吸收下太陽, 望下個天已經好舒服喇~~~ 另外, 廚房入面有d師夫佢哋整既並唔係我哋食既朱古力, 而係d我覺得似藝術品既野囉. 好似圖中一個粉紅色, 類似戒指枕既蛋糕(?!), 真係好靚, 靚到都唔似係假既. 我同朋友都好鐘意食朱古力既蛋糕. 可惜研究左好耐都無. 最後我哋就order左一杯熱既dark朱古力($45), 一杯凍既dark朱古力($48),
呢到既裝修同佈置令人一行到入去就有一種好舒服既感覺. 以白色為主色, 雖然有一大半係廚房, 再加上店入大量 "名貴" 既擺設, 令到原來唔係大既店舖實用面積更細, 但係一邊既落地玻璃窗就又令到空間感大左. 唔知係唔係因為天雨既關係, 一上到去就有位坐唔駛等. 之前我睇食評見好多人都話黎呢到食野等個幾鐘好正常. 如果係咁, 我反而幾欣賞佢唔會因為想做生意而加位..... 雖然落地玻璃窗外面既地盤景真係好大殺風景, 不過坐係落地窗前面吸收下太陽, 望下個天已經好舒服喇~~~ 另外, 廚房入面有d師夫佢哋整既並唔係我哋食既朱古力, 而係d我覺得似藝術品既野囉. 好似圖中一個粉紅色, 類似戒指枕既蛋糕(?!), 真係好靚, 靚到都唔似係假既.
我同朋友都好鐘意食朱古力既蛋糕. 可惜研究左好耐都無. 最後我哋就order左一杯熱既dark朱古力($45), 一杯凍既dark朱古力($48), 同埋一客5個既muffins ($78).
首先黎到既熱朱古力.... 一如好多人咁講, 塊朱古力黎到既時候已經溶左. 雖然無得目擊佢溶既過程, 不過我都知對杯野飲既味道係無影嚮既... 找先將係上層溶左既朱古力同下層既朱古力搞混再飲... 真係好濃既可可味, 每一啖都好似有一粒朱古力係個口到溶化左一樣. 不過每飲完一啖個嘴角都會印晒d朱古力上去.
凍既朱古力我反而覺得無熱既咁好飲. 可能因為凍既朱古力加左其他野好似cream呀, 水呀咁, 朱古力既密度無熱嗰杯咁濃. 我覺得godiva既凍朱古力更出色.
muffins tasting men: 一客有5款唔同口味既小muffin. size真係好細過, 一啖可以食晒一個. 不過~~ 個個muffin都好足料. blueburry muffin 裏面既藍莓可能分分鐘多過出面一個大size muffin囉. 好味, 但係唔好諗住佢可以醫肚.
臨走前, 待應姐姐走過黎同我哋講, 話佢哋呢到遲d會出d cake 同三文治咁... 呢d就係我今日想食既野~~~ 好想試下佢哋既朱古力蛋糕會係點. 唔知佢哋幾時會出呢?
Post
