朱敏記桑拿菜 (Closed)

土瓜灣九龍城一帶，除咗泰國菜多選擇之外，地道嘅大排檔都選擇唔少，今次嚟咗朱敏記食佢哋嘅鑊氣小炒😚椒鹽豆腐一上枱就香氣撲鼻，椒鹽味超級香口，配搭金黃外皮嘅軟滑豆腐，簡直滋味滿瀉，成個食慾都上晒嚟🤩臺南炒蜆更加係有驚喜，每一粒片都沾滿晒醬汁，食落鹹香十足，但又唔會過鹹，反而令到佢鮮味更加出，每粒都食到佢嘅鮮甜味，呢個簡直係水準嘅表現😍愛蟹嘅我都叫咗焗奄仔蟹，一上枱已經流晒口水，蟹膏非常之甘香，而且食落好軟糯，而且都食到蟹肉嘅鮮甜，食到我舔舔脷，一隻接一隻停唔到☺️今晚去食餐廳都幾乎滿座，而且餐廳環境係好接地氣嗰啲，食得都更有風味，遲啲想再食地道小炒，朱敏記值得再encore🥰