ROBOTEA (Closed)

聽閒係香港第一間用機械臂調果茶响呢度開舖，好奇心叫我星期一晚走咗去試吓。一行到附近就見到兩隻機械臂，當然要停步睇吓攪乜鬼啦😄，原來係買完後，由機械臂取代店員為人客準備果茶，幾有噱頭喎。但我偏偏點咗一杯手調嘅蝶豆花梳打，觀感直頭係滿分，飲落口感覺唔錯，👍！朋友試咗士多啤梨奶昔，白色配粉紅，滑滑啲質感，淡淡士多啤梨味，又係一杯視覺同味覺一齊享受嘅飲品。今日路過又走去八卦吓。見到雪糕櫃內嘅雪糕同星期一唔同咗，除咗白兔糖，仲有香橙雪芭、海鹽焦糖、好立克麥提莎？咁得意？試食後三種味都幾特別，可惜只有一個胃，終於忍痛決定買杯好立克麥提莎。好立克嘅香味，加上脆脆嘅麥提莎，超讚😍。其實現場都有唔少人聚集睇機械臂冲茶，原來佢仲識跳舞㗎，扭吓扭吓，小朋友見到都一齊跳，好攪笑🤣🤣🤣。臨走忍唔住都要買杯機調果茶試一試。上次聽到話果茶比較甜，今日問店員，佢哋話已經重新調過甜度，好喜歡佢哋接受顧客意見嘅態度。不過之前飲過其他舖頭嘅果茶，都知道普遍都比較甜，加上我食完雪糕，唔想飲得太甜，所以我最終都選擇咗少甜百香果茉莉花茶。左搖右搖，再掃描QR Code，杯茶就送到面前，幾有趣吖。飲落甜度好適合我，裡面仲有蘆薈粒粒