櫻花日本料理 (Closed)

朋友應該是「無事常相見」的，有朋友建議去中環蘭桂芳試這間櫻花日本料理，主要是食鐵板燒的，亦有提供刺身及壽司，我都好耐未食過日式鐵板燒了，就去試一試啦。晚餐 Set Menu 得三個餐，我們四個人，當然每人叫不同的餐來試啦。四個人已經可以開一間房，我們那間房最多可坐六個人，等廚師為我們主理鐵板燒。當海鮮送到來的時候，隻鮑魚真是超大隻，足足有成隻手掌咁大，而且非常新鮮，仲識得郁。呢塊日本近江和牛的花紋好靚。好似是 A5 來的。未食鐵板燒前，先上個前菜，店員介紹應該跟次序食，次序為：左下(蛋黃醋蟹肉)、右下(櫻海老團子)、上(翡翠冬瓜)跟著上刺身三點，金目鯛鮮甜而沒有魚鯹味，我真是要推介，牡丹蝦及活赤貝亦很鮮甜。配上新鮮即磨而不刺鼻的芥辣，真是絕配。鐵板鰻魚，廚司煎得個魚皮極脆，上碟時亦有鰻魚汁伴碟，但我個人覺得味道偏淡，可能是我食得太多傳統的日本燒鰻魚的關係，鰻魚總覺得是要超多汁才行。四成熟和牛粒真是入口即溶，配日本蒜片食，好夾。跟著上沙律，左邊的白飯魚 BB 令這個沙律變得不平凡，白飯魚 BB 極鮮味，簡直是成個沙律的神來之筆。炒飯，個人建議，用蒜片來炒飯，應該會比用蒜蓉來炒飯來得更香更