前家樂餐廳火鍋店 (Closed)

好想食烤魚關係，係openrice找到間火鍋店有得食未試過就去左試，平日都怕多人所以訂左8點2位。等左30分鐘入到去叫野食。有一張大紙和細紙，食品方面有烤魚，打邊爐和雞煲，當然仲有配料和飲品。點知太夜沒有烤魚最後叫左雞煲，原來佢地為左保持所有食品新鮮而留左數量不多，只可下次再黎食過。香辣雞蟹煲$288：蟹已經冇晒，待應話比返其他多一點。辣度同麻度都有得選擇，今次少麻中辣味道正常而吾會好大股味精味，原來問返全部都係高湯整成，怪不知食完吾口乾。材料不錯，雞和蜆肉都好嫩滑和新鮮。芫茜會分開上，男人最鐘意，因為佢吾鐘意食而我鐘意可放係係我果邊煮而吾會周圍都係。最後當然好快清左就食打邊爐。加拿大牛肩肉$108，芫茜$29 ，雙併滑$88：肉新鮮而吾硬，有牛肉味。魷魚滑堅好味同真係有魷魚粒係度抵食。野生竹笙$68，蜂巢豆腐$38，皇帝菜$48，脆炸響鈴$25：菜類都新鮮份量大，本人喜歡吃這裡竹笙，吾會漂白嚇親人又入味。蜂巢豆腐如果再硬點更好。甜粟米$20，萵荀片$20，鮮淮山$25：這3款都係吾錯選擇，粟米夠咁又肥嘟嘟好味道，煮完仲好咁又一粒粒咁食，好味！萵荀同淮山比出面其他店舖平又抵食 。