Video
Read full review
2020-08-25
1975 views
又到左一個星期一次返奶奶屋企食飯嘅日子🤣今日老公話要出荃灣買滷水鵝我都有少少𢱑頭乜嘢滷水鵝咁巴閉呢原來呢間舖頭平時都有機會經過不過真係冇乜留意佢😂我哋去到嘅時候大概有八至十個人排緊隊不過條隊都郁得好快因為大家都係落完單就企喺門口另外一邊等老公本來想買滷水鵝片但係發現好似斬隻上庄仲抵食啲因為滷水鵝片例牌要$200但係滷水鵝每斤都只不過係$146我哋買咗隻上庄斷秤都只不過係$167另外仲加咗一份鵝紅$23落完單就會有個牌仔俾你然後你就可以企埋一邊等啦醬汁係另外有個袋仔綁住好舊式嗰種風味打開盒 望落滷水鵝都幾靚仔皮肉都好易咬開唔會過韌而且又唔會有騷味亦都唔算太肥所以我都有連皮食個滷水汁都幾香用嚟撈飯都幾送飯至於個鵝紅都滷得非常之入味又唔會過老或者煮到泡咗未稱得上算好滑但係都幾好食咁樣加兩款餸總共$190四個人食仲剩咗少少可以第二日再食😂都算抵食嘅
返奶奶屋企食飯嘅日子🤣
今日老公話要出荃灣買滷水鵝
我都有少少𢱑頭
乜嘢滷水鵝咁巴閉呢
原來呢間舖頭平時都有機會經過
不過真係冇乜留意佢😂
我哋去到嘅時候大概有八至十個人排緊隊不過條隊都郁得好快
因為大家都係落完單就企喺門口另外一邊等
老公本來想買滷水鵝片但係發現好似斬隻上庄仲抵食啲
因為滷水鵝片例牌要$200
但係滷水鵝每斤都只不過係$146
我哋買咗隻上庄斷秤都只不過係$167
另外仲加咗一份鵝紅$23
落完單就會有個牌仔俾你
然後你就可以企埋一邊等啦
醬汁係另外有個袋仔綁住好舊式嗰種風味
打開盒 望落滷水鵝都幾靚仔
皮肉都好易咬開唔會過韌
而且又唔會有騷味
亦都唔算太肥
所以我都有連皮食
個滷水汁都幾香
用嚟撈飯都幾送飯
至於個鵝紅都滷得非常之入味又唔會過老或者煮到泡咗
未稱得上算好滑
但係都幾好食
咁樣加兩款餸總共$190
四個人食仲剩咗少少可以第二日再食😂
都算抵食嘅
Post
