好茶養生 (MOKO新世紀廣場) (Closed)

新世紀廣場近期有個展覽，所以約朋友去看一看，看完未到晚餐時間所以搵個地方坐低飲杯嘢，一樓這層行到一個角落有間「好茶養生」提供飲品及甜品，正好有個位置歇息一會。店舖白色格局為主，清新乾淨，空間感不算好大但係舒服，正值3、4點時段不算太多人，隨便找找位置便可坐。飲品養生茶為主，例如美顏系列、養生系列等，很切合現代人對健康追求嘅需要。《水果茶》與外間飲品店圖樣可以選擇少甜少冰或者正常等等，水果層次幾豐富，飲落幾舒服，《士多啤梨MOJITO》飲落酸尾尾帶甜幾醒神，士多啤梨果肉也幾好味。同時叫了兩盒甜品，《野莓忌廉朱古力泡芙》和《玫瑰荔枝慕絲蛋糕》，味道不道。《野莓忌廉朱古力泡芙》朱古力餡料軟熟，加上一些脆脆餅底，口感豐富。《玫瑰荔枝慕絲蛋糕》主要被外型吸引，少女心花花吸晴，甜中夾著粒粒啫喱，味道不錯。閑時在此坐低飲杯嘢傾下偈確實幾好，加上商場可以行到大半天，攰起上嚟有個位坐下，飲一杯嘢養生一下，精神提升再出發。