新樂園魚蛋粉

Open Now

Now Closed

放假懶得煮飯，決定落街揾嘢食，呢間《新樂園魚蛋粉》都唔係第一次幫襯，有時冇胃口食飯，多數嚟呢度吃碗粉麵。街坊小舖，面積細細，冇乜裝修可言，不過都算乾淨企理。餐牌上嘅選擇，亦同一般粉麵店差唔多。今日我叫咗碗牛雜河 ($29)，轉頭即上枱，先呷一口湯，湯頭尚算鮮甜，味道唔錯。牛雜份量唔算多，不過都有牛腸、牛膀、牛肺、金錢肚等，最緊要係洗得乾淨冇異味。河粉都算爽滑，我多數會加一點辣椒油，滋味即時提升好多。我好快咁KO完碗河粉就閃人，簡簡單單，速戰速決又一餐。