Video
Read full review
2022-05-22
80 views
話說咁有台灣風味嘅古早滷味，當然要用返個古早filter嚟影相先有風味～燈籠滷味終於在中環插旗，咁方便嘅位置，行過冇理由吾善待下自己個肚嘅！未入門已經被入口處繽紛嘅霓虹燈吸引，有返D時代感嘅燈箱同字體，令人好似一瞬間穿越咗去台灣咁，冇得飛，嚟個“偽旅行”，食餐台式食物解下口癮都好丫～招牌燈籠滷味(犇)($88)，顧名思義哩碗一定有好多牛，咪睇佢只是簡單一碗，其實裡面真材實料，有牛筋肉、蜂巢牛肚、百頁豆腐、白蘿蔔和唐生菜，麵底我揀了王子麵，淋上滷水汁，上枱時個碗仲出緊煙，離遠都聞到滷水香，講真一個人女仔系難食完。最欣賞系個王子麵雖然平平無奇，但係撈埋個香而不膩嘅滷汁後真係令人回味無窮。涼拌手工烏龍麵配野生黑木耳、台式胡麻醬($78)，話說我見四圍冇咩人食烏冬，但係因為同行哩位系烏冬愛好者，所以揀咗哩碗。上枱時烏冬用長型木碗裝載，好有台灣風味。胡麻醬香得嚟微酸醒胃，烏冬爽口彈牙，食到“𠽌𠽌”聲。除咗烏冬，碗內還有海量野生黑木耳、沙律菜、青瓜、酸薑、滷蛋，一碗食到多種滋味，而且涼浸浸，岩曬夏天食！大甲濃厚香芋鮮奶沙冰($42)，以前去台灣一定會飲香芋奶茶，特別中意佢哋芋香味重，仲加入真材實料
未入門已經被入口處繽紛嘅霓虹燈吸引，有返D時代感嘅燈箱同字體，令人好似一瞬間穿越咗去台灣咁，冇得飛，嚟個“偽旅行”，食餐台式食物解下口癮都好丫～
招牌燈籠滷味(犇)($88)，顧名思義哩碗一定有好多牛，咪睇佢只是簡單一碗，其實裡面真材實料，有牛筋肉、蜂巢牛肚、百頁豆腐、白蘿蔔和唐生菜，麵底我揀了王子麵，淋上滷水汁，上枱時個碗仲出緊煙，離遠都聞到滷水香，講真一個人女仔系難食完。最欣賞系個王子麵雖然平平無奇，但係撈埋個香而不膩嘅滷汁後真係令人回味無窮。
涼拌手工烏龍麵配野生黑木耳、台式胡麻醬($78)，話說我見四圍冇咩人食烏冬，但係因為同行哩位系烏冬愛好者，所以揀咗哩碗。上枱時烏冬用長型木碗裝載，好有台灣風味。胡麻醬香得嚟微酸醒胃，烏冬爽口彈牙，食到“𠽌𠽌”聲。除咗烏冬，碗內還有海量野生黑木耳、沙律菜、青瓜、酸薑、滷蛋，一碗食到多種滋味，而且涼浸浸，岩曬夏天食！
大甲濃厚香芋鮮奶沙冰($42)，以前去台灣一定會飲香芋奶茶，特別中意佢哋芋香味重，仲加入真材實料嘅芋泥，啖啖好滋味！咁既然嚟得哩度“偽旅行”，當然要飲返杯芋味嘅飲品啦。真係好大杯，飲完個肚已經冇咗一半quota，芋泥細膩幼滑，做成沙冰後冰涼入心，吾會太甜又可以解渴，其實嚟淨系買哩杯外賣走已經好開心～
總括CPV較高，掛住台灣野嘅時候系可以嚟一飽口福！最後好優推介，即日起至6月21日前來吃台式野兼post相hashtag #吃燈籠滷味贏台式staycation，仲有機會贏四季酒店2人兩日一夜Staycation，想參加嘅各位抓緊時間喇！
Post
