Video
Read full review
2018-07-14
82 views
喺尖沙咀有唔少高質嘅日本餐廳，喺呢頭覓食咁多次，大部分都係好高質素，無乜點試過中伏， 今次呢間簡直係可以bookmark定再返啅。 一入去已經見到充滿日本居酒屋風格嘅裝修與擺設，成個環境同格局真係好似去咗日本咁，吧檯附近有一系列嘅大燈籠真係幾別致。喺燈籠下面食嘢，柔和嘅燈光照住，真係別有一番風味。而且有各種嘅酒類擺設，組成一幅特色牆，非常特別。 仲可以睇住師父一邊燒各種唔同嘅串燒烤物， 即叫即整非常新鮮，講起都肚餓了。首先嗌嘅係兩板海膽，每板海膽都只係98蚊，咁大板海膽呢個價錢真係好抵，而且質素並唔會將貨就價，非常高質，入口creamy ，而且好有海膽嘅鮮味，甘甜得嚟仲好香。附上脆脆既紫菜，可以包住海膽食。跟住仲嗌咗一個海鮮丼，唔好睇佢好似細細碗咁，但查實入面都幾多飯同海鮮 ，除咗一般嘅三文魚、吞拿魚，仲有鯖魚 、八爪魚、帆立貝、甜蝦、 蟹棒等等， 材料非常豐富。 而且最特別嘅係，仲落咗少少嘅櫻花蝦，同埋山藥蓉，口感非常豐富，而且我好欣賞佢嘅海鮮， 真係非常之新鮮，尤其是帆立貝非常大粒同鮮甜，性價比超高。而呢一個海鮮冷麵沙律 ，都係唔錯嘅選擇 ，表面鋪左滿滿嘅海鮮粒， 例如 八爪魚 、
一入去已經見到充滿日本居酒屋風格嘅裝修與擺設，成個環境同格局真係好似去咗日本咁，吧檯附近有一系列嘅大燈籠真係幾別致。
喺燈籠下面食嘢，柔和嘅燈光照住，真係別有一番風味。
而且有各種嘅酒類擺設，組成一幅特色牆，非常特別。
仲可以睇住師父一邊燒各種唔同嘅串燒烤物， 即叫即整非常新鮮，講起都肚餓了。
首先嗌嘅係兩板海膽，每板海膽都只係98蚊，咁大板海膽呢個價錢真係好抵，而且質素並唔會將貨就價，非常高質，入口creamy ，而且好有海膽嘅鮮味，甘甜得嚟仲好香。
附上脆脆既紫菜，可以包住海膽食。
跟住仲嗌咗一個海鮮丼，唔好睇佢好似細細碗咁，但查實入面都幾多飯同海鮮 ，除咗一般嘅三文魚、吞拿魚，仲有鯖魚 、八爪魚、帆立貝、甜蝦、 蟹棒等等， 材料非常豐富。
而且最特別嘅係，仲落咗少少嘅櫻花蝦，同埋山藥蓉，口感非常豐富，而且我好欣賞佢嘅海鮮， 真係非常之新鮮，尤其是帆立貝非常大粒同鮮甜，性價比超高。
而呢一個海鮮冷麵沙律 ，都係唔錯嘅選擇 ，表面鋪左滿滿嘅海鮮粒， 例如 八爪魚 、三文魚 、螺肉、蟹子，再配上冷麵同生菜 、蕃茄 、翡翠苗等等。
不過就冇沙律醬 ，所以食落嘅口感就比較清爽同清淡 ，主要食海鮮嘅鮮味同菜嘅甜味。
另外仲嗌咗一杯芒果chu-hi ， 有淡淡嘅酒香同芒果味，酒精濃度唔算高，但配上烤物，飲落好夾。
跟住當然係主角甲羅燒，我諗基本上唔少人嚟呢間餐廳，都為咗食佢嘅爐端燒， 尤其是呢個嘅甲羅燒 ，真係好似返返去日本旅行咁。
鵪鶉蛋淋上蟹肉同蟹膏表面 ，再加埋料理用酒， 一齊撈勻 ，再放上爐燒三至四分鐘， 咁就食得。
上面細火慢烤，睇住佢慢慢散發出陣陣嘅蟹膏香味 ，嗰種咁香真係不得了。 而且蟹膏食落非常creamy ，鹹鹹哋，再撈埋蟹肉一齊食：「 唔該來碗白飯呀！」
而最後呢一個嘅稻草燒安格斯牛，估唔到可以燒得咁正 ，呢度嘅烤物真係質素好高。
牛扒表面帶有陣陣嘅稻草煙燻香味，而且生熟程度剛剛好， 表面金黃色， 裏面保留著完美嘅粉紅色，仲有少少肉汁， 加上表面有薄薄嘅海鹽點綴， 其實唔使點個醬汁已經好好味 。
不過個醬汁又非常特別 ，有蒜香之外配上炸蒜片， 又係另一種唔錯嘅食法，真係好掙扎呀，好想再叫多兩碟嚟食。
呢間北海道爐端燒真係唔錯，性價比好高，食物質素同價錢成正比，下次會再嚟食。
Post
