Video
Read full review
2020-06-20
2621 views
成間舖以九份為主題，牆身印有九份老街丶阿妹茶樓等等作背景，店面唔算大，大約可招呼20名客人，每枱之間有少少空間感，店員熱情好客，自己剔單揀食物，成個感覺都似喺九份食飯咁～懷舊魯肉飯 (小) $30經典台灣味，白飯上淋上燉煮碎五花肉及醬油滷，滷汁五花肉好入味，無乜肥肉，食到有少少軟骨，味道鹹中帶甜。紅燒牛肉米粉 $46湯底算清，好重牛味，牛𦟌筋肉均勻，有咬口；特別鍾意食台式米粉，半透明質地柔韌，唔似港式米粉咁腍丶溯水而發脹。酥炸魷魚 $42諗起台灣夜市炸花枝，就叫碟嚟試吓；即點即炸，好脆口，魷魚鬚夠厚身，香口彈牙！肉鬆起司蛋餅 $32蛋餅係台式經典早餐，去親台灣必食；餅皮好薄，口感帶點煙韌，好多肉鬆，蛋大約有2mm厚，唯一嫌個芝士味唔夠重。胚芽珍珠奶茶 $28呢度嘅飲品可以自行選擇糖度同埋冰量，揀咗微糖丶少冰，胚芽麥香味，珍珠質感好Q，充滿黑糖味。茉香珍珠奶茶 $23茉莉茶味夠香醇，微甜啱啱好。
成間舖以九份為主題，牆身印有九份老街丶阿妹茶樓等等作背景，店面唔算大，大約可招呼20名客人，每枱之間有少少空間感，店員熱情好客，自己剔單揀食物，成個感覺都似喺九份食飯咁～
懷舊魯肉飯 (小) $30經典台灣味，白飯上淋上燉煮碎五花肉及醬油滷，滷汁五花肉好入味，無乜肥肉，食到有少少軟骨，味道鹹中帶甜。
紅燒牛肉米粉 $46湯底算清，好重牛味，牛𦟌筋肉均勻，有咬口；特別鍾意食台式米粉，半透明質地柔韌，唔似港式米粉咁腍丶溯水而發脹。
酥炸魷魚 $42諗起台灣夜市炸花枝，就叫碟嚟試吓；即點即炸，好脆口，魷魚鬚夠厚身，香口彈牙！
肉鬆起司蛋餅 $32蛋餅係台式經典早餐，去親台灣必食；餅皮好薄，口感帶點煙韌，好多肉鬆，蛋大約有2mm厚，唯一嫌個芝士味唔夠重。
胚芽珍珠奶茶 $28呢度嘅飲品可以自行選擇糖度同埋冰量，揀咗微糖丶少冰，胚芽麥香味，珍珠質感好Q，充滿黑糖味。
茉香珍珠奶茶 $23茉莉茶味夠香醇，微甜啱啱好。
Post
