Video
Read full review
2016-04-27
1186 views
好姊妹於旺角返工, 所以為左遷就佢, 係佢返工前相約來個lunch小聚.當日黎到Café附近搵左幾分鐘都搵唔到入口. 明明望住個google已經到左幢大廈, 但就係唔見個門口.原來恆威商業中心個入口係巷仔內, 個日門口又有木板遮住, 難怪我贂唔到.只要轉入巷仔就可以見到恆威商業中心個門口.上到Café, 地方唔算大. 但因為當日落大雨, 所以客人唔多.而座位都以梳化為主, 眼見有2張可以容納6-8人的U型梳化, 所以大伙兒黎都應該無問題. 當然最好事先BOOK位啦.整體環境都好好, 只係燈光昏暗, 情侶客人會好BUY. 哈哈~菜牌內的選擇都唔算少, 而且有好幾款特色美食.餐牌圖文并茂, 好容易睇.先上枱的是餐飲, 所有飲品只要跟飯或意粉都可以減7元,朋友要的是凍榛子咖啡HK$29榛子味濃, 味道唔會偏向任何一邊. 朋友說味道不錯, 而且咖啡上有CREAM, 感覺好正.我揀左綜合鮮雜果茶 HK$33.00我只係想試下會唔會同某台灣食店嘅雜果茶一樣.其實真係完全唔一樣, 呢款果茶以橙汁為主, 再加入新鮮草莓、火龍果同青檸. 味道偏濃, 但不失是消暑佳品.沙律係跟餐+HK$12 的三文魚沙律
好姊妹於旺角返工, 所以為左遷就佢, 係佢返工前相約來個lunch小聚.當日黎到Café附近搵左幾分鐘都搵唔到入口. 明明望住個google已經到左幢大廈, 但就係唔見個門口.
原來恆威商業中心個入口係巷仔內, 個日門口又有木板遮住, 難怪我贂唔到.
只要轉入巷仔就可以見到恆威商業中心個門口.
上到Café, 地方唔算大. 但因為當日落大雨, 所以客人唔多.而座位都以梳化為主, 眼見有2張可以容納6-8人的U型梳化, 所以大伙兒黎都應該無問題. 當然最好事先BOOK位啦.
整體環境都好好, 只係燈光昏暗, 情侶客人會好BUY. 哈哈~
菜牌內的選擇都唔算少, 而且有好幾款特色美食.
餐牌圖文并茂, 好容易睇.
先上枱的是餐飲, 所有飲品只要跟飯或意粉都可以減7元,朋友要的是凍榛子咖啡HK$29
榛子味濃, 味道唔會偏向任何一邊. 朋友說味道不錯, 而且咖啡上有CREAM, 感覺好正.
我揀左綜合鮮雜果茶 HK$33.00我只係想試下會唔會同某台灣食店嘅雜果茶一樣.
其實真係完全唔一樣, 呢款果茶以橙汁為主, 再加入新鮮草莓、火龍果同青檸. 味道偏濃, 但不失是消暑佳品.
沙律係跟餐+HK$12 的三文魚沙律沙律菜拌以芝麻醬汁同食, 清新又醒胃. 而三文魚都唔算少, 以跟餐價錢來說是超值.
之後來一客雞翼小食 HK$32雞翼醃得相當入味, 剛烤出來的雞翼外皮香脆, 內里仍保留肉汁, 好JUICY.
意式辣肉腸意粉 HK$58上枱時顏色黃黃橙橙的, 以為會好辣.
但意粉的醬汁跟千島醬差不多,完全唔辣的.而且醬汁稠密, 每條意粉都被醬汁包裹住. 而辣肉腸煎得香脆, 入口油香, 個人好喜歡.
南瓜翠翠雞扒天使麵 HK$78我地係喥估咩係”翠翠”, 等到天使麵一上枱迷底終於解開啦. 就係烘過的麵包粒.
醬汁是用南瓜做的, 雖然只有淡淡的南瓜味, 但味道帶有少少甜. 好唔錯.餐廳於汁料份量方面好大方, 因為2份主食都是滿滿的汁料. 所以每條意粉都沾到醬汁.
而雞扒是自煎好再同天使麵一齊焗, 但唔會因為咁而嚡口.
所以呢個天使麵都值得一試.
Post
