Video
Read full review
2014-01-10
6018 views
今晚係8B Annual Dinner, 我都要向朋友寫個服字, 咁世紀性嘅活動都比佢搞得成, 勁!!!Kitchen M可列入搵難餐廳指南一星!!! 我同朋友一齊係尖沙咀地鐵站N4出口出, 隨即去CS問路, 上次係CS問點去帕莎基本上相當成功, 今次簡直嘔血!!! 問咗4次點去Kitchen M, 個CS依然阿呆x阿夢上身, O咀兼眼神恍惚, 再問佢邊部Lift去到 (因帕莎只有1部好隱閉的Lift去到), 佢答部部都得, 咁我地求其搭1部, 結果真係部部Lift都去到, 但我地兜咗3個圈都搵唔到間餐廳, 後期已經係跟住Shop Numbers行晒成個商場, 最後搵到Floor Plan, 原來要穿過時裝店轉幾個彎先去到, 比你如果有間時裝店係要穿過酒樓的大堂+內堂+廚房厠所先去到嘅, 你路過酒樓大堂時會唔會估到有間時裝店係入面?!!穿過時裝店後看到的第一眼, 白色的矮身磚牆後, 有個幾cm高的視窗!!! 唔似比客人望入去的Open Kitchen, 我地坐得咁近好似被廚房監視住咁...朋友話最大的枱比人Book咗, 只剩下8人枱要我地9個人坐... 實情係... 我地就係全場最大果
Kitchen M可列入搵難餐廳指南一星!!! 我同朋友一齊係尖沙咀地鐵站N4出口出, 隨即去CS問路, 上次係CS問點去帕莎基本上相當成功, 今次簡直嘔血!!! 問咗4次點去Kitchen M, 個CS依然阿呆x阿夢上身, O咀兼眼神恍惚, 再問佢邊部Lift去到 (因帕莎只有1部好隱閉的Lift去到), 佢答部部都得, 咁我地求其搭1部, 結果真係部部Lift都去到, 但我地兜咗3個圈都搵唔到間餐廳, 後期已經係跟住Shop Numbers行晒成個商場, 最後搵到Floor Plan, 原來要穿過時裝店轉幾個彎先去到, 比你如果有間時裝店係要穿過酒樓的大堂+內堂+廚房厠所先去到嘅, 你路過酒樓大堂時會唔會估到有間時裝店係入面?!!
穿過時裝店後看到的第一眼, 白色的矮身磚牆後, 有個幾cm高的視窗!!! 唔似比客人望入去的Open Kitchen, 我地坐得咁近好似被廚房監視住咁...
朋友話最大的枱比人Book咗, 只剩下8人枱要我地9個人坐... 實情係... 我地就係全場最大果張枱!!! 全場都係呢d可以左右無限拼拆的茶餐廳木枱, 2人枱放藍麵包已經細到無位擺其他食物!!! 張枱細到咁, 居然仲迫我地9個人坐4張呢D拼枱, 嘿, 都得o架喇... 大家認住而家藍色玻璃位置, 等陣走佬靠佢...
初時大家都話Set Dinner好抵食, 但我同2位朋友都想食羊鞍, 我地3個決定散叫Share, 仲掉埋位坐埋一齊, 搞搞下唔知點解個個都變散叫Share, 玩咩?!! 咁我一早就唔使掉位啦... 不過長枱大圍Share唔方便, 最後我地分開左右2批Share...落好晒單先有麵包食... 麵包有3款咁多, 黑麥版硬豬外脆內軟, 左下的包包亦好鬆軟, 的確唔錯...
落單後10分鐘...意大利水牛芝士蕃茄沙律 $78
-- 賣飛佛!!! 曾經有一段時間, 我瘋狂地愛上佢, 每個週末都會買材料返屋企整來吃... Kitchen M將個蕃茄切到薄到無朋友, 水牛芝士彈性及緊緻度略為不足, 灑在沙律上的香草變成生菜絲, 味道略遜不特止, 賣相仲好奇怪...
係地球另一面的Wild Mushroom Soup $58... 唔知點解係都要人影相...
坐係南極的朋友仲Order咗Traditional Onion Soup $58... Tuna Salad w/ French Fried Beans, Black Olive, Boiled Egg & Cherry Tomato $88... Sorry, 我隻手無咁長, 真係幫唔到你地影相留念...又過咗20分鐘...
香煎深海鮮帶子炒橄欖油蒜片紅椒扁意粉 $138
-- 堅好味, 皆因3人已餓至神經錯亂... 帶子嫩滑鮮味, 意粉柔韌彈牙, 香辣惹味...
又過多10分鐘...酥炸軟殼蟹薄餅 $118
-- 我地3個人叫3樣食物(沙律+意粉+羊鞍)驚唔飽, 成功聳擁食燒春雞的朋友再叫個Pizza 4人Share, 哈哈... 薄餅其貌不揚, 差點薄過我塊面皮, 幸好都幾香脆, 咬落竟然好香芝士味, 同軟殼蟹出奇地夾, 真係估佢唔到... 但記得一定要趁熱辣辣時食, 凍咗無味...
燒香草法國春雞, 炒青菜, 薯角 (半隻) $148-- 估唔到法國春雞都幾大隻, 外皮烤至金黃, 入口肉質幼嫩, 調味恰到好處... 查實... 呢個係朋友私人的, 唔係For Share, 卻因坐埋係地球嘅同一邊, 慘被3隻餓狼陰下陰下咁瓜分, 哈哈, 好可憐... 春雞不是100%熟, 軟骨與軟骨之間見到血水, 席間眾人皆參與討論此雞會否真的來自法國, 抑或係本地, 最怕是深圳的H7N9農場, 仿佛大家都回到陳馮富珍日日都食雞的年代...
係地球另一面的A4日本和牛 $398-- 職員係都要放係我面前, 好啦, 咁比下面影下你啦... 唔貴唔食的壽星竟然命令我切開片和牛做一條條, 方便進食, 喂, 我路人甲喎, 豈有此理, 我就拮你舊A4和牛一條食先, 然後先再慢慢切... Well, 鹹牛咁, 我切時仲見到D大大粒粗鹽停係舊和牛上面, 最慘係Feel唔到和牛果種澎湃嘅牛味, 在場的C9議論紛紛, 細聽之下, 原來佢地平時家常便飯都去高級超市買和牛同黑豚回家煮, 有眼不識太山, 失敬失敬!!!
係地球另一面的海鮮忌廉墨魚汁意粉 $148, 又迫人影, 吖, 你地Blog又懶寫相又懶影, 又好意思命令人地做o野o架喎...
坐係南北極的朋友仲Order咗帕爾馬火腿薄餅 $158, 佢地叫得太多食物, 食剩半個咁多, 結果由餓狼組解體, 凍咗味道都OK喎... 影都見過的海鮮意大利飯 $148, 牛肝菌黑松露意大利飯 $108, Parma Ham Pizza Mozzarella Traditional Onion Soup $58... Tuna Salad w/ French Fried Beans, Black Olive, Boiled Egg & Cherry Tomato $88... Sorry, 手唔夠長, 真係幫唔到你地影相留念...香草燒澳洲羊架 $238
-- 7:34PM落單, 8:57PM先上枱, 足足1小時23分鐘!!! 食完所有食物之後, 經理想收晒我地嘅餐具, 仲問我地要唔要Order甜品, 吓?!!!!!! 個羊架都未到!!!!!! 果時大約係8:20PM左右... 又再等... 等到8:35PM左右, 仲未到, 又搵侍應弟弟Check下, 由始至終2人都無再返轉頭交代... 又再等... 等到8:45PM左右,又再搵經理問下間餐廳係咪無羊?!! 無羊我地就即刻埋單走!!! 一如我所料, 10分鐘內即到!!! 經理辯稱唔係煎而係要焗所以好耐, 嘿, 你早D講我地咪唔使成日追囉!!!
如果唔咬沾咗調味料嘅邊邊, 件羊係完全無味的!!! 連羊膻味都無!!!
如果咬沾咗調味料嘅邊邊, 件羊係超鹹的!!! 都係引唔到羊膻味出來!!!
優點係肉質幼嫩不乾硬, 7成熟卻無半點血水...
無Mood地食完羊架, 懶人一族決定Order2份甜品拼盤...法式甜品拼盤 $98
-- 芒果拿破崙夠酥脆, 法式焦糖燉蛋唔夠香滑, 馬卡龍一向只懂賣萌... 純黑朱古力蛋糕賣相普通, 入口朱古力味香濃, 口感幼滑, 是法式甜品拼盤中最好味的!!!
埋緊單時, 眾人走夾唔抖, 衝去商場洗手間, 當朋友跟著行的時候, 餐廳竟然話時裝店已關門, 唔可以行!!! 吓?!! 我地嘅朋友係前面喎!!!無奈下, 我地要由餐廳水吧旁的門, 行到商場外的露天通道, 再從另一道門重回商場內!!!
真係第一次去餐廳去到咁呢Hea, 一定唔會同老人家去囉, 失散咗都唔知點算!!!
Post
