台北車站 (Closed)

去將軍澳搵吓有咩好食，今次去到寶琳，新都城中心有間新開張食台灣嘢嘅精選午餐勁多選擇，點了一個飯餐加一個麵餐，麵餐可選擇刀削麵或陽春麵，我就揀了刀削麵來試，而跟餐還有熱飲或加錢轉凍飲▶️台灣滷肉飯 - 滷肉份量好足，滷蛋滷得入味，飯底口感軟糯，十足十糯米飯一樣，呢個比較特別，撈埋滷肉一齊吃最惹味，一向冇飯癮嘅我都把飯吃清光▶️招牌台灣牛肉麵 - 牛肉食落無渣有嚼口，紅蘿蔔燜得軟稔清甜，紅燒湯底有點油，勝在牛味濃，原汁原味，刀削麵淋身夠滑，食落依然有咬口▶️餐飲都多選擇 - 個人推介冷泡烏龍茶總結：食物選擇真係多，除主打台式食物，而一般茶餐廳嘅食物都可供選擇，比較多元化！