椰子日記 (Closed)

早排上網睇到有油麻地開左間食椰子糖水專門店，我自己本身都鐘意飲椰汁放工帶埋男朋友去食下。店面細細間，得一張枱仔，夠兩個人用，所以基本上都係外帶，我點左黃金海岸椰子碗，帶d芒果肉同熱情果，下面就係有少少乳酸味嘅沙冰，味道一流。男朋友點左碗甜蜜桃膠椰凍，桃膠正常，個椰凍好好食，椰汁味好重，好似似緊椰汁咁👍。重點食要係可以叫佢地比個工具刮啲椰子肉出嚟食埋😆，如果唔刮，個椰子碗可以帶返屋企燉湯。最後一人再叫多一杯野飲，一杯叫左西柚乳酸菌，西柚味好清新。一杯鮮榨椰奶加芋泥青稞，芋泥好足料食到有少少芋粒，增加左口感，椰奶都相當好飲。下次經過可以再試其他味道😆。