Video
Read full review
2016-10-23
2923 views
我去勻晒港島既貓cafe,今次就去下旺角既「貓咪貓咪Home」！（不過搭地鐵的話就油麻地A2出口行2分鐘就到～）好似搵，行上2/F仲快過等𨋢。超可愛～呢間貓cafe唔會有拖鞋供應，所以cafe規矩，記住****一定一定一定要著襪****！入到門口除鞋放上鞋架，消毒雙手，然後就可以入去。地方比一般既貓cafe寬敞而且多貓，而且d貓都算幾活躍同埋親人，仲好為食，但記住****一定一定一定唔好餵食！亦唔好比佢地食人類既食物呀！*** 因為已經有貓咪因為亂食野要食藥睇醫生架啦！講返食物先，最低消費$88。但好易就叫到，環境又唔錯又坐得下，收費算親民。呢度既選擇的確比較多，唔單止小食、飲品、沙律同甜品，亦都有埋正餐$88-108（包$38飲品）例如意大利飯、pizza、all day breakfast 。我就單叫左個「All Day Breakfast $108」同埋單埋左「如果這是茶Set $88」。《如果這是茶Set $88》-有桃味花茶、雪糕配心太軟及是日蛋糕。呢個Set好抵食，有晒3款甜品仲要一大煲花茶，花茶慢慢煲住，份量足夠2個人share，味道唔會過甜；是日蛋糕係曲奇朱古力蛋糕，蛋
好似搵，行上2/F仲快過等𨋢。
超可愛～
呢間貓cafe唔會有拖鞋供應，所以cafe規矩，記住****一定一定一定要著襪****！
入到門口除鞋放上鞋架，消毒雙手，然後就可以入去。
地方比一般既貓cafe寬敞而且多貓，而且d貓都算幾活躍同埋親人，仲好為食，但記住****一定一定一定唔好餵食！亦唔好比佢地食人類既食物呀！*** 因為已經有貓咪因為亂食野要食藥睇醫生架啦！
講返食物先，最低消費$88。但好易就叫到，環境又唔錯又坐得下，收費算親民。呢度既選擇的確比較多，唔單止小食、飲品、沙律同甜品，亦都有埋正餐$88-108（包$38飲品）例如意大利飯、pizza、all day breakfast 。我就單叫左個「All Day Breakfast $108」同埋單埋左「如果這是茶Set $88」。
《如果這是茶Set $88》-有桃味花茶、雪糕配心太軟及是日蛋糕。呢個Set好抵食，有晒3款甜品仲要一大煲花茶，花茶慢慢煲住，份量足夠2個人share，味道唔會過甜；是日蛋糕係曲奇朱古力蛋糕，蛋糕較實有質感，略帶曲奇味，唔會太甜，不過不失。
心太軟有流心效果，而且份量多，微暖既心太軟配上凍冰冰既雪糕食，一冷一熱，唔錯。
再叫多個《All Day Breakfast $108》- 幾豐富,有 少蘑菇粒、炒蛋、煎腸、炸薯餅、黃豆、沙律菜、多士。
(悄悄話：建議選擇其他食物因為呢款製作時間較長，眼見有幾位客人等到不耐煩。我仲聽到廚房職員話最怕製作all day breakfast, 在吃all day breakfast的我頓時感到有d尷尬 ..~)
整體來說：地方光猛唔迫、入場費低、有boardgame提供、地點方便、有正餐小食飲品選擇、貓咪數量多又親人，不失為一個休息放鬆既好地方～ Post
