金滿堂甜品

Open Now

Now Closed

1/8/2009 (星期六)今日下午去九龍城香港兆基創意書院上堂，上完堂後要行番去九龍城舊機場附近坐小巴返屋企，行到半路經過這間糖水店，我之前係OR網頁見過有唔少網友推介，於是入去試下，順便休息下。 店內的餐牌上有十大銷售甜品推介，花多眼亂，樣樣都好似好好食，最後我叫咗餐牌上形容為楊枝金露加強版嘅金枝玉葉，話係用XL嘅呂宋芒果做，一定要試下有乜分別。金枝玉葉： 賣相唔錯，大大粒的芒果肉，再加埋龍眼肉鋪上面，芒果新鮮又香甜，龍眼肉口感唔錯，比一般的楊枝金露好食好多。下次再去試下其他甜品。