Cocolo Tokyo Cake Factory (形點 I) (Closed)

真係好掛住日本，記得對上一次去日本旅行係去青森，當時食了無數青森蘋果的製成品，返到香港後一直念念不忘，但可惜都唔知幾時先可以再去旅行。今日放工路過YOHO MALL，竟然比我見到COCOLO的青森蘋果批，而且仲要新鮮滾熱辣出爐，當然第一時間買黎品嚐下啦。店內有座位提供，所以客人可以即買即食，另外店員的態度殷勤友善，最貼心的是提供叉電位置，實在方便我呢類經常用爆手機電又唔願帶充電寶的麻煩友，咁就可以一邊慢慢食，一邊等充足電喇。 青森蘋果批 – 剛出爐的蘋果批真係無得輸，鬆脆的外皮 + 甜度適中的青森蘋果肉，非常好食。梳乎厘芝士蛋糕 – 口感Creamy，芝士味濃厚，也很不錯。