福翁海鮮薈 (Closed)

朋友介紹我嚟呢間酒樓打邊爐，果然冇介紹錯。😍個場幾大，$ 268一位為冇限時，任飲任食 ，超級豐富。除咗一般火鍋食物，仲有紅燒 花膠翅，上湯焗龍蝦，鮑魚，刺身，好矜貴呀。飲品櫃任拎飲品，仲有無限任飲啤酒， cp值好高。✨出面仲有自助bar拎沙律，前菜，丸類蔬菜。最驚喜係仲有豉椒炒蜆同各式燒味，質素唔錯㗎。我哋揀咗椰子雞煲，味道濃郁，火鍋材料吸曬香味。每枱一碟嘅牛頸脊超高質，食得係高級貨色 ，色澤鮮豔，牛味濃郁，肉質juicy。 而每枱一盤嘅龍躉海鮮拼盤，都好新鮮，呢餐好容易回本✔️👍火鍋材料方面，叫左脆肉腩，四寶丸， 韭菜餃等。最後甜品仲可以自助拎雪條同桂花糕，超級飽呀。