辦館 (雅蘭中心) (Closed)

炎炎秋日，竟然仲有三十一度，企響街等人如自虐，聰明的都會躲入商場，雅蘭中心認識已久，四圍貼滿 poster 原來有Halloween 活動，現在搞商場必需有唸頭，朋友未到，走了去辦館食個餐。原來辦館與少爺啤合作，在家樂商場空地有個攤位，喜歡飲手工啤的人是好消息，我要等人，睇睇朋友興趣再定。我點了B餐，梳乎蛋愛食溫泉蛋，配合芝士火腿完美至極，員工好有心機整，慢慢煎，芝士半溶口感黏黏好玩，鹹味火腿吊起味來滋味極。後來朋友到咗，佢食C餐，西班牙黑毛豬火腿真係唔同，鹹香出色.