紅堂 (Closed)

紅堂，位於銅鑼灣登龍街永光中心，餐廳佈置非常有格調，由踏入餐廳門口到卡座位，打卡位處處。餐廳燈光音樂等都非常有情調，卡位寬闊舒適，以紅色為主的餐具，每件事都非常精緻。餐廳以麻辣火鍋為主，但湯底選擇都有辣有唔辣。酸菜白肉鍋材料份量豐富，湯底味道出色，入口有回甜感覺。清油麻辣鍋，可自選辣度，辣味相當濃，帶有台式麻辣火鍋味道。食物方面，極力推介餐廳自家制食物，每樣都相當出色。蝦佬Sushi 原隻大蝦配芝士蝦丸，蝦丸超級彈牙。蒜泥白肉水晶飽，餡料豐富非常惹味，水晶皮煙靭有咬口。黑松露蝦蛋餃，黑松露味道極濃，蝦肉結實。紫菜響鈴，即叫即炸熱辣辣脆卜卜。餐後甜品冰粉，亦非常有特色，有山楂餅提子乾等等。