Applegreen (Closed)

Dinner Set for Two 包 2 snacks，2 main courses，仲有餐飲都係 $300 左右。部份餐廳嘅套餐份量會比起平時細，所以你可以享用較優惠嘅價格。Applegreen 呢個 2 人餐每道菜嘅份量都同 a la carte 一樣！小食揀咗焗薯皮同沙律。我叫咗我每次嚟都會食嘅香橙脆脆沙律，喜歡佢嘅 citrus 味道夠開胃，大量脆脆又好有口感。Main course 揀咗 pizza 同 steak & fries。薄派 Pizza 做得好出色，材料充足所以每一啖都食到海鮮，醬汁加咗 custard 芥末醬味道酸酸甜甜嘅，上面仲灑咗脆脆添！Steak 就做得一般啦，吸引嘅反而係伴菜用咗烤菠蘿。你知道啦，燒烤過嘅菠蘿係特別甜架嘛！雖然我哋 2 個都係大食怪，最後都係打包咗半個 pizza 返屋企，可想而知，我絕對有理由相信，佢果個所謂 2 人餐係足夠 3 個人食嘅。