Video
Read full review
2018-02-15
143 views
銅鑼灣鬧市新開一間私房菜叫做《忠記咖啡屋‧私房菜》，位於鬧市區嘅渣甸中心，而且地下有燈箱賣廣告，所以好容易就搵到。餐廳燈光光猛，而且座位寬闊，職員態度殷勤親切，隨即就俾咗一壺茶就係南岩鐵觀音我哋濕濕口。之前已經訂咗六位，每個人只係＄398，就可以食到十款以上嘅餸菜。首先來兩大碟嘅夏日豐盛五小碟，冷盤分別係鴨舌、番茄仔同埋芽菜，熱食就係蒜香雞軟骨同埋椒絲炒椰菜。每一款都各有味道各有特色，我最鍾意就係食辣辣地嘅椒絲炒椰菜，椰菜炒得好入味，同埋好有鑊氣。套餐中嘅餐湯舞茸黑豆燉龍骨尤其出位，一大碗燉湯上，店員服務一流，幫我地分碗上，入面有冬菇、瘦肉同埋螺頭等等嘅配料，非常足料，難怪燉湯味道非常香濃。我最欣賞小菜中嘅古法家鄉鹽甑雞，原隻雞用紙包住，焗到好香，再切成小件，放入瓦煲入面保溫。雞肉非常香滑、肉質鮮嫩，啖啖新鮮雞味道，唔需要點任何醬汁都好好食。最後甜品意大利雪糕同埋蛋白杏仁茶，意大利雪糕好似蛋糕咁大，真係好Surprise，而且雪糕嘅硬度適中，食落去更加有口感之餘，香濃嘅朱古力係口入面慢慢溶化，好食過出面啲雪糕！總括而言，套餐中嘅食物真係一流，食物高質素，而且小菜炒得好有鑊氣，每一款菜式
銅鑼灣鬧市新開一間私房菜叫做《忠記咖啡屋‧私房菜》，位於鬧市區嘅渣甸中心，而且地下有燈箱賣廣告，所以好容易就搵到。
餐廳燈光光猛，而且座位寬闊，職員態度殷勤親切，隨即就俾咗一壺茶就係南岩鐵觀音我哋濕濕口。
之前已經訂咗六位，每個人只係＄398，就可以食到十款以上嘅餸菜。
首先來兩大碟嘅夏日豐盛五小碟，冷盤分別係鴨舌、番茄仔同埋芽菜，熱食就係蒜香雞軟骨同埋椒絲炒椰菜。
每一款都各有味道各有特色，我最鍾意就係食辣辣地嘅椒絲炒椰菜，椰菜炒得好入味，同埋好有鑊氣。
套餐中嘅餐湯舞茸黑豆燉龍骨尤其出位，一大碗燉湯上，店員服務一流，幫我地分碗上，入面有冬菇、瘦肉同埋螺頭等等嘅配料，非常足料，難怪燉湯味道非常香濃。
我最欣賞小菜中嘅古法家鄉鹽甑雞，原隻雞用紙包住，焗到好香，再切成小件，放入瓦煲入面保溫。
雞肉非常香滑、肉質鮮嫩，啖啖新鮮雞味道，唔需要點任何醬汁都好好食。
最後甜品意大利雪糕同埋蛋白杏仁茶，意大利雪糕好似蛋糕咁大，真係好Surprise，而且雪糕嘅硬度適中，食落去更加有口感之餘，香濃嘅朱古力係口入面慢慢溶化，好食過出面啲雪糕！總括而言，套餐中嘅食物真係一流，食物高質素，而且小菜炒得好有鑊氣，每一款菜式都非常特別，並唔係出面嘅餐廳平時可以食到，所以經過一定要試一試，極力推薦嘅一間私房菜。
Post
